Germaniäneñ iñ keçkenä Bremen cirendä bügen cirle saylawlar ütä. Bu tawış birülär kansler Gerhard Şrödernıñ Sotsial-Demokratlar partiäse öçen citdi sınaw bulır dip kötelä. Moñarçı ütkän cirle saylawlarnıñ 3-sendä dä xakimiättäge partiä ciñelü kiçerde. Uzğan yılnıñ sintäberendä ütkän federal saylawlarda Sotsial-demokratlar Yäşellär belän berläşep, köç-xäl belän xakimiätne saqlap qala alğan ide. Şunnan birle, iqtisadtağı töşenkelek häm eşsezlek artu säbäple, koalitsiäneñ abruyı töşkännän-töşä bara. SPD saflarında Şröder täqdim itkän reformağa qarata büleneş küzätelä.
