Accessibility links

якшәмбе, 11 декабрь 2016, Казан вакыты 13:08

Ärmänstanda parlament saylawlarında xärämläşülär bulğan


Kiçä Ärmänstanda uzğan parlament saylawların küzätep torğan Yevropada İminlek häm Xezmättäşlek Oyışması häm Yevropa Şurası wäkilläre, tawış birüdä xärämläşü häm xattä köç qullanu buldı, dip belderde. Oyışmanıñ Ärmänstandağı wäkile Robert Barry, bu yulı tawış birü tärtipläre mart ayında bulğan Prezident saylawlarında kebek ük bozılmadı, läkin barıber uzğan saylawlarğa "xalıqara standartlarğa citergä yıraq äle" dielde.

Kiçä tawışlarnıñ yaqınça çirege sanalğaç ta-prezident Robert Koçarian yaqlı köçlärneñ alda baruı häm parlamentta urınnarnıñ küpçelegen alaçağı turında iğlan itelde.

Yerevannan könyaqqa taba urnaşqan awılda tawış birü urnında çıqqan bäreleşlär näticäsendä 1 keşe häläk buldı, häm ike keşe yaralandı. Ğadellek partiäse başlığı Stepan Zakarian Azatlıq radiosına, oppozitsiädäge namzätlärdän-saylawlarda xärämläşülär buldı digän xäbärlär kilde, dip belderde: "Saylaw tärtiben bozu digändä-berençe çiratta –tartmalarnı yalğan bulletenlär belän tutıru... Kiçä bezneñ küzätüçelär kiçke 5tän soñ mondıy xälgä ber-niçä tapqır oçrağan," dide Zakarian.

Xökümät yaqlı Cömhüriät Partiäse-mondıy ğayepläwlär-nigessez dip belderde.

XS
SM
MD
LG