Accessibility links

шимбә, 3 декабрь 2016, Казан вакыты 14:50

Taşkentta xatın-qızlar totqınnarnı cäberläwgä qarşı uram cıyını uzdırdı


Radiobıznıñ Taşkenttağı xäbärçese, Üzbäk başqalasında 30ğa yaqın xatın-qız politsiäneñ totqınnarğa qarata waxşilärçä mönäsäbät kürsätüenä qarşı uram cıyını uzdırdı, dip xäbär itte. Eçke Eşlär ministrlığı binasın uratıp alğan xatın-qızlar küzläw xezmätlären tikşerü barışında totqınnarnı cäberläwdä ğayepläde.

Human Rights Watch isemle keşe xoquqları oyışmasınıñ Üzbäkstandağı wäkile Matilda Bogner, uram cıyının oyıştıruçılarğa qarşı köç qullanıldı, dip xäbär itte: "Bügen 30-50 xatın-qız, dini totqınnarnıñ tuğannarı uram cıyını uzdırdı. Şaxitlär söyläwenä qarağanda, alarnı politsiä tayaqlar belän qıynağan" dide Bogner. Soñınnan protest çarasında qatnaşuçılarnı avtobusqa cıyğannar häm bilgesez ber yaqqa alıp kitkännär.

Uram cıyınında qatnaşqan xatın-qızlarnıñ berse, üz ire turında söyläp birde. Üzbäkstannıñ küzläw xezmäte Arif Eşanov isemle bu keşene Hizb-ut-Taxrir İslam oyışması äğzase buluda ğayepläp qulğa alğan häm 10 kön törmädä totqan bulğan. Anıñ xatını, Eşanovnıñ cäberläwlärdän soñ ülgäne turında xäbär itte. Küzläw xezmätläre isä Eşanovnıñ üpkälärendä su cıyıludan ülgänen belderde.

XS
SM
MD
LG