Accessibility links

Кайнар хәбәр

Rusiä eçke eşlär ministrlığı Yuğarı mäxkämäneñ pasportqa yawlıq belän töşü röxsäten ğämäldän çığarırğa sorıy


Belgänegezçä, ozaq waqıt mäxkämäläşep yörgännän soñ, bu yılnıñ 15 mayında Rusiäneñ Yuğarı mäxkämäse, möselman xatın-qızlarına xicapnı salmıyça töşkän räsemle pasportnı alu xoquqın tıyuçı qağidäne köçennän çığardı, yäğni yawlıqlı sürät belän dä pasport alırğa röxsät itte. Bu mäxkämä qararına möselman xatın-qızları bik söyende, monı zur ciñü itep qabul itte. Qanunda, Yuğarı mäxkämäneñ qararı iğlan itelgäç ük, köçenä kerä dip äytelä. Ämma bu mäsälädä totqarlıqlar kilep çıqqan.

Tatarstan pasport viza xezmäteneñ mäğlümatlarına qarağanda, Yuğarı mäxkämäneñ röxsätenä qaramıyça, yawlıq bäylägän kileş foto yasatqan möselman qızlarına pasportnı äle alıştıra başlamağannar. «Moña qädär niçek eşlädek, xäzer dä şul kürsätmälär nigezendä eşebezne däwam itäbez» , - dip belderdelär älege xezmättä.

Eçke eşlär ministrlığınıñ Tatarstan bülegenä Mäskäwdän kürsätmälär äle kilmägän, eş qäğäzlärenä tieşle üzgäreşlär äle kertelmägän. Alarnıñ qayçan üzgärüe turında da äytep bulmıy, çönki eçke eçlär ministrlığı moña riza tügel.

Rusiä eçke eşlär ministrlığınıñ matbuğat üzäge beldergänçä, bu ministrlıqnıñ wäkile, Yuğarı mäxkämägä şikäyät itkän. Şuşı şikäyättä äytelgänçä, ministrlıq Yuğarı mäxkämneñ pasport fotosına yawlıq kiep töşärgä röxsäten ğämäldän çığaruın sorıy. Eçke eşlär ministrlığı wäkile İrina Boçkina bu adımnı añlatıp, dönyawi däwlättä Qör`än qanunnarı köçkä iä tügel, dip beldergän.

Eçke eşlär ministrlığınıñ şikäyäten Rusiä yuğarı mäxkämäseneñ qayçan qarayaçağın, älegä äytep bulmıy.
XS
SM
MD
LG