Törkiä saqlanu ministrı Vecdi Gönül xäbär itüençä, kiçä Trabzonda häläkätkä oçrağan oçqıçnıñ 3 qara tartması tabılıp tikşerüçelärgä tapşırılğan. Yak-12 oçqıçı –yağulıq alır öçen töşä almıyça kiçä Trobzon hawa alanı yanındağı tawlarğa kilep bärelde, 75 keşe häläk buldı. Alarnıñ 62se-Äfğanstannan tınıçlıq saqlaw eşennän qaytıp kilüçe İspan xärbiläre ide.
İspaniä Saqlanu Ministrlığı-häläkät säbäpläreneñ iñ möhime-köçle toman ide, dip belderde. Ukrainanıñ Transport ministrlığı Törkiägä, İspan häm Törek tikşerüçelärenä yardämgä üz belgeçlären cibärde.