Accessibility links

шимбә, 10 декабрь 2016, Казан вакыты 13:52

Cinayätçelär imin bulmağan ğailälärdä yäşi


Bilgele bulğança, mäktäplärdä kanikullar başlandı. Şul säbäple balalar qulı belän eşlängän cinayätlär sanı da arta. Çärşämbe könne Tatarstan Respublikası Ministrlar Kabinetında baliğ bulmağannar eşläre buyınça Respublika komissiäse utırışı buldı. Anı Tatarstan Respublikası premyer-ministrı urınbasarı Zilä Wälieva alıp bardı. Ağımdağı yılnıñ 4 ayında baliğ bulmağannar tarafınnan cinayätçelek häm tärtip bozular häm alarğa qarşı profilaktika çaraları turında Tatarstan Respublikası Eçke eşlär ministrı urınbasarı Rafil Nogmanovnıñ yärdämçese Vasiliy Sokolov çığış yasadı. Annan kürengänçä, 4 ayda respublikabızda baliğ bulmağannarnıñ cinayätçelege 31 protsentqa kimegän. Tikşerü şunı kürsätä: cinayät qılğannar imin bulmağan ğailälärdä yäşilär, kübese cinayätlärne ölkännär qatnaşında yasıy. Balalarnıñ xoquqların yaklaw maqsatında respublikanıñ eçke eşlär orğannarı xezmätkärläre tarafınnan üz balaların tieşençä tärbiälämäwçe, alar belän naçar möğalämädä buluçı ata-analarnı, baliğ bulmağannarnı cinayätçelekkä, suqbaylıqqa, eçkeçelekkä etärüçe zatlarnı açıqlaw eşe alıp barıla. Anıñ näticäse bulıp barlığı 94 cinayät eşe quzğatılğan häm qaralğan. Bügenge köndä 800gä yaqın ğailä bala tärbiäläwdän baş tarta, 150 ye ata-analar xoquqınnan mäxrüm itelgän, ike meñgä yaqın ata-ana administrativ cawaplılıqqa tartılğan.

Älege mä’säläneñ däwamı bulıp baliğ bulmağannar cäza srogı ütä torğan Qazan tärbiä koloniäse turında mäğlümatnı tıñlaw buldı. Älege koloniädä bügen 250 yäşüsmer yäşi, şularnıñ 9ı – viç'lı, tuberkulez belän çirläwçeläre dä citärlek. Cinayät qıluçılar belän eşne 20 pedagog häm psixolog alıp bara. Uqıtu-tärbiä sovetı eşli ikän. Monda mäktäp tä, hönäri uçilişçe da bar. Läkin koloniäneñ ekologik yaqtan naçar urında urnaşuı citäkçelektä rizasızlıq tudıra. Östäwenä material'-texnik baza da iskergän, küp cirdä remont ta yasarğa mömkin tügel. Alarnı başqa cirgä küçerü mäğqülräk bulaçaq. Niçek kenä tärbiä eşläre alıp barılsa da, koloniägä qabat elägüçelär sanı kimemi. Dimäk, yäşlär belän eşläwdä yaña alımnar uylap tabarğa, ikençe törle yaqın kilergä kiräk.

XS
SM
MD
LG