Accessibility links

шимбә, 10 декабрь 2016, Казан вакыты 04:23

Rusiä Federatsiä Şurası strategik qoral qısqartu turında kileşü rasladı


Rusiäneñ Federatsiä Şurası bügen strategik qoralnı qısqartu turında kileşü rasladı. Yabıq işeklär artında ütkän utırışta Şuranıñ 140 äğzası uñay, 5-e qarşı tawış birde, ikese totılıp qaldı. Quşma Ştatlar belän Rusiä arasında tözelgän bu kileşüdä ike ildäge atom qoralnıñ 3-tän-ikesen qısqartu qaralğan. 2012 yılğa Rusiädä 1700, Quşma Ştatlarda 2200 atom çuqmarı qalaçaq. İke ilneñ prezidentları kileşüne uzğan yıl imzalağan ide. Amerikan Senatı anı Mart ayında rasladı. Rusiä Duması, Ğiraq suğışın säbäp itep, raslawnı başta kiçekterep torğan ide, läkin axır çiktä, şuşı ayda raslarğa buldı. Yünneñ berendä, Peterburda ütäçäk oçraşuda, George Buş belän Vladimir Putin raslaw qäğäzläre belän almaşır dip kötelä.

XS
SM
MD
LG