Accessibility links

җомга, 20 гыйнвар 2017, Казан вакыты 00:21

Jintao: Qıtay-Rusiä mönäsäbätläre yaña çorğa kerä


Qıtay prezidentı Hu Jintao, Qıtaynıñ Rusiä belän mönäsäbätläre yaña çorğa kerä dip belderde. Bu turıda ul bügen Mäskäwneñ Xalıqara Bäyläneşlär İnstitutında yasağan çığışında äytte. Anıñ süzlärençä, 2001nçe yılda Mäskäwdä tözelgän kileşü bu mönäsäbätlärne üsterü öçen yaxşı nigez bula ala. Ul şulay uq Berläşkän Millätlär Oyışmasın xalıqara eşlärdä köçleräk rol uynarğa häm "küp-qotıplı" dönya tözergä çaqırdı. Quşma Ştatlarnı iseme belän äytmi genä, ul "bertaraflılıqqa" häm dä xalıqara bäxäslärne köç belän xäl itügä tänqit belderde. Kiçä Hu Jintao Rusiä prezidentı Putin belän oçraştı. Taraflar ike il arasında "strategik xezmätäşlekne" köçäytergä wäğdä itte. İrtägä Qıtay citäkçese Mäskäwdä ütäçäk Şanxay Xezmättäşlek Oyışması utırışında qatnaşa.

XS
SM
MD
LG