Accessibility links

якшәмбе, 4 декабрь 2016, Казан вакыты 00:54

Xattami: Fälestin, Ğiraqqa yärdäm itü – İKOnıñ wazifası


Bügen Tähranda İslam Konferensiäse Oyışmasına (İKO) kergän 57 ilneñ Tışqı eşlär ministrları oçraşuı başlandı. İran prezidentı Mäxämmät Xattami utırışnı açıp, Fälestin qarşılığın häm Ğiraqnıñ möstäqillegen yaqlarğa çaqırdı. Xattami, Fälestinneñ köräşen "oyışqan däwlät terorına" qarşı toru dip atadı, häm dä aña yärdäm itüne İslam Konferensiäse Oyışmasınıñ wazifası dip atadı. Xattami süzlärençä, Ğiraqnıñ qıyırsıtılğan xalqı bar möselmannarnıñ häm azatlıq yaratqan illärneñ yärdämenä moxtac. Ul şulay uq Ğiraqta mömkin qädär tizräk, Ğiraq xalqı tarafınnan saylanğan säyäsi sitema buldırırğa çaqırdı. İran prezidentı İslam isemennän başqarılğan terorçılıqqa tänqit belderde, läkin şul uq waqıtta, aña "ber-taraflı" cawap birügä dä qarşı çıqtı. Bu üzenä kürä, Quşma Ştatlarnıñ terorğa qarşı köräşenä tänqit bulıp tora.

XS
SM
MD
LG