Sharon da , Abbas ta xalıqara tınıçlıq planıñ ğämälgä quyu öçen waqıt ölgergän dip belderep kilsälär dä , alarnıñ prioritetları berbersennän nıq ayrıla. Älbättä ike premierneñ oçraşu näticäläre Aqaba summitınıñ atmosferasında çağılaçaq. Pändeşämbe kiçke oçraşuda fälästin yağı İzraelneñ Fälästin däwlätçelegen tanuı turında belderü teli. Bu turıda fälästin wäkile Erakat belderde. Anıñ äytüenä qarağanda bu mäsälä oçraşuınıñ töp teması bulırğa tieş, çönki fälästinnär yaña säxifäneñ açıluı, yaña eraga kerüläre turında işarä kötä. İzrael yağı isä fälästin iminlek köçläre qaysı urınnarda kontrol urnaştırıp, qorallı fälästinnärne tarataçaq, şunı beläse kilä. Sharon süzçese Raanan Gissin bez şunnan so- şul urınnardan xärbilärebezne çığarır idek dip äytä. Gissin bez fälästinnärneñ mömkin bulğan qädär küp urınnarda kontrol urnaştıruın telibez, çigenep iminlek eşlären alarğa tapşırır idek , älbäättä 100% iminlek urnaşır dip kötmibez, ämma bez çın adımnar atlanuın kürergä telibez dip söyli. Solıx yulı planında taraflarnıñ taläpläre bar. Läkin taraflar niçek itep eşkä totınaçaqlar kileşep citmägännär. İzrael başta köç qullanu tuqtalsın ,terror betsen taşlamalar şunnan soñ yasalaçaq digän noqtada tora. Fälästinnär taşlamalar qara-qarşı bulırğa tieş dip äytä. Sharon belän Abbasnıñ 17nçe maydağı oçraşuı, fälästinnärneñ 5 intixar höcüme oyıştıruı säbäple näticäsez bulsa da, taraflar yañadan oçraşırğa buldı. Fälästinnär BMO, Yevropa berlege , Russiä häm AQŞ tarafınnan äzerlängän solıx yulı planın şunduq qabul itte. İzrael yağı prinsıpta qabul itsä dä, tözältmälär kertelüen taläp itte. Fälästin premiere Abbas İzrael basması Haaretztä basılp çıqqan ängämäsendä radikal törkem Hämäs belän söyläşülär alıp baruın häm kiläse atnada alarnıñ İzraelgä höcümnären tämam tuqtatqan kileşügä ireşäçägen beldergän. Abbas Hämästän soñ islamçı cihad häm al aqsa şäxitläre brigadası belän dä kileşügä ireşüne ömed itä. Premier, köç qullanıp qorallı törkemnärne taratırğa telämi ul moñı baştan uq äytep quydı, çönki bu watandaşlar suğışına alıp baraçaq.Ägär dä Abbas ömed itkäneçä höcümnärne tuqtata alsa ,solıx yulınıñ ğämälgä quyuluında alğa taba bik zur adım bulır ide. Abbas süzlärençä Hämäs häm yäşel sızıq yäğni İzrael eçendä häm territoriälärdä qorallı höcümnären tuqtataçaq. Ämma Hämäs süzçese Rantissi , min andıy kileşüne belmim , höcümnärne tuqtatu öçen bez alğa sörgän şartlarnı İzrael yağı kire qağıp kilä dide. Rantissi İzrael sivil fälästinnärne üterüne tuqtatsa , törmälärdä totqan fälästinnärne irekkä çığarsa häm agressiäne betersä , bez İsraelneñ sivil hädäflärenä höcümne tuqtatırbız dip söylägän,. Hämäsneñ başqa ber süzçese Mäxmud al Zahar bugen Reutersğa bolay digän(audio)
Abbas detallär beldermi genä atışlarnı waqıtlıça tuqtatunı täğdim itte. Bez anı söyläştek, şartlar turıda fälästin oyışmasında - Hämästä söyläşülär bara.
Zahar süzlärençä,(audio) solıx yulı Oslo kileşüenäñ naçar kopyası ğına , şunlıqtan bez kileşü fälästinnärgä ber närsä dä kitermiäçäk dip äytäbez.
Premier Mäxmud Abbasqa Hämäs belän kileşügä ireşü qıyın bulaçaq, süzçeneñ atışlarnı waqıtlı tuqtatıp toru turında söyläwe , Sharonğa ber dä oxşamıy, çönki ul bu radikallärgä köç quät tuplau öçen waqıt qına birä digän qaraşta . .
Hämäsneñ ruxi citäkçese şeyx Yasin isä İzraelneñ solıx yulın qabul itüe tozaq qına , AQŞ İzrael mänfäğätläre öçen eşli digän belderülär yasıy. İke premiereneñ oçraşuınnan elek ,töbäktä köç qullanu däwam itte. izrael xärbiläre Könbatış Yarında Hebron häm gazada xan Yunusqa kerde . Xäbärlärgä qarağanda ike fälästinle üterelde.
Färidä Xämit, Praga
Färidä Xämit, Praga