Accessibility links

шимбә, 10 декабрь 2016, Казан вакыты 00:28

Russiä İrannı atom qoralları yasawda ğäyeplämäskä, Dönya Atom Energetikası Agentlığı xisabın kötärgä çaqıra


Russiä tışqı eşlär ministrlığı Quşma Ştatlarnı, İrannı atom qoralları yasawda ğäyeplärgä aşıqmıyça, İrandağı atom programasına Dönya Atom Energetikası Agentlığı tikşerüçeläreneñ bäyä birüen kötärgä çaqırdı. AQŞ administratsiäse neft'kä bay İran atom qoralları programmasın yäşerü öçen atom energetikası programmasın üsterä dip täqrarlıy. 16-nçı iyündä Xalıqara Atom Energetikası Agentlığınıñ İdarä Şurası 2 könlek oçraşuğa cıyılğac agentlıqnıñ citäkçese Möxämmät äl-Baraday İrannıñ atom eşçänlege turında xisap birergä tieş. Kiçä Waşingtonda AQŞ prezidentınıñ däwlät iminlege kiñäşçese Condoleezza Rice atna axırında Peterburda Russiä häm Amerika prezidentları Putin belän Bush oçraşuında, atom qoralları citeşterüdä şiklänelüçe İran turında da süz bulır dip kötelä dide:

AUDİO: Bez agentlıqnıñ ul xisabın kötäçäkbez. Ämma min, prezidentlar härkemneñ İran belän härtörle xezmttäşlegeneñ, äytkändäy, İran belän törle xezmättäşlekne barı Rusiä genä alıp barmıy, ul xezmättäşleklärneñ İrandağı atom qoralları programmasına öleş kertmäyäçäge ışanıçlı bulsın öçen nişlärgä kiräklege turında söyläşergä teliäçäklär dip uylıym .

Mäğlüm bulğança, Russiä İrannıñ Buşer portında atom reaktorları tözi.

XS
SM
MD
LG