Accessibility links

сишәмбе, 6 декабрь 2016, Казан вакыты 17:09

Evian summitı


Bu atna azağı summitlarğa bay. Citäkçelär Peterbur oçraşuınnan soñ Fransiägä Evianğa yul totaçaqlar. Evianda industriäläre alğan kitkän 7il plus Russiä citäkçeläre oçraşıp iqtisadi häm säyäsi mäsälälär turında mäslixätläşäçäk. Mätbuğat, Ğıraq suğışınnan soñ berençe märtäbä küreşäçäk AQŞ, Fransiä vä Germaniä citäkçeläreneñ berbersenä möğämäläsenä , ğomumän summitnıñ atmosferasına iqtibar itäçäk dip kötergä kiräk. Xälbuki cıyınnıñ kön tärtibendä G8 illäreneñ xälsezlängän iqtisadın canlandıru mäsäläse tora.

Bıyılğı G8lärneñ oçraşuı ğädättägennän kübräk iqtibar cälep itäçäk.Çönki prezident G.Bush berençe märtäbä Ğıraq suğışına nıq qarşılıq kürsätkän Fransiä citäkçese J.Chiraq , häm Germaniä kanslerı G.Schroeder belän oçraşa.Kiñ küläm mätbuğat çaraları könnärdän birle şul xaqta söyläp kilä. Bush belän Schroeder arası salqın bulıp qalaçaq, ämma Bush belän Chiraq kerşän yağarğa qarar birgän kebek kürenälär. Aqyort süzçese Ari Fleischer äytüenä qarağanda (audio) Minemçä prezident (Bush) bu oçraşuda alğa taba qarayaçaq.Bezneñ mönäsäbätlärdä kierenkelek bulğanı çınbarlıq.Ämma AQŞ belän Fransiä qatnaşırğa tieşle möhim eşlär bar. Sez ike citäkçeneñ berektäşlek ruxında berberse belän söyläşüen küräçäksez dip uylım. Russiä,Britaniä,İtaliä, Kanada Yaponie citäkçeläre şulayuq Fransiäneñ däğwätenä esasän täräqi itüçe 24 ilneñ liderları da Evianğa kilä häm 3könlek summitnıñ berençe könendäge söyläşülärgä qatnaşa. Summit G8 illäreneñ iqtisadi probelmaları kiskennäşkän waqıtqa turı kilä. Yevropada Germanie belän İtaliä resetsiägä yaqın tora. Niderlandt inde resetsiädä dip qarala Yaponie ekonomikası ülem tüşägendä, Quşma Ştatları älege waqıtta zur budjet defitsitı astında cafalana . Londonda urnaşqan iqtisadçı Katinka Barysch fikrençä Evianda ekonomik mäsälälärne ähämiät üzägenä kütärü, trans-atlantik partörları arasındağı säyäsi kierenkelekne sülpäytügä yardäm itäçäk. Barysch süzlärençä(audio) Ğıraq suğışınnan soñ ,tışqı säyäsät vä iminlek mäsäläsendä zur ayrımalar küzgä bärelä.Ämma ekonomika häm finans mäsälälärendä AQŞ belän yevropalılar arasında urtaq mänfäğätlär bar, çönki alar berberseneñ säwdä partnörları .Tağı da möhimräge Atlantiknıñ här ike yağına zur çit il investitsiäläre yasala, şunlıqtan taraflar mönäsäbätlären yaxşırtu belän nıq qızıqsına. Londonda Yevropa Reforma Üzägendä eşläwçe Barycsh Doha raundında körçekkä terälgän dönya säwdä söyläşülären canlandıru öçen citäkçelärgä köçle basım yasala äytä. Anıñ süzlärençä ike yaq ta fiker ayrımalıqların ciñep Doha raundın canladırırğa teli, säwdäne liberallaştıru paketı tikşerelergä tieş, ul älege waqıtta dönya iqtisadın canlandıru öçen bik kiräkle. Kön qadağında torğan başqa möhim mäsälä isä dollarnıñ bäyäsen yuğaltuı, moña AQŞnıñ zur budjet defitsıtı säbäp bulıp tora. Barysch ( audio) Citäkçelär Evianda älege waqıtta dollar belän yevro arasındağı zur ayırmanı kimetü , valyuta bazarın totırıqlandıru öçen çaralar kürer Köçle yevro Yevropa illäre mallarınıñ satıluın qıyınlaştıra , bu isä bolay da yaxşıdan bulmağan iqtisadnı tağı da naçarlandıra . Evian summitı köntärtibendä turıdan turı 3nçe Dönya illärenä qarağan mäsälälär şulsanda, Afrikada açlıq, yarlılıq , SPİD epidemiäsen kontrol itü. Bush summitta Afrika häm Karib utraularında spidqa qarşı köräşü öçen 15milliard dollarlıq programmasına G8-neñ başqa äğzaların da qatnaşırğa çaqıraçaq. Evianda yaqın könçığış tınıçlıq protsesı, terrorğa qarşı köräş kebek eşlär dä tikşereläçäk.Prezidet Bush Evian summitınnan ber kön elegeräk kitep İzrael häm fälästin citäkçeläre belän oçraşuğa äzerlänäçäk .

Färidä Xämit, Praga
XS
SM
MD
LG