Accessibility links

Кайнар хәбәр

Mäskäwlelär Qazanda


Pänceşämbedä Bötendönya tatar kongressında Mäskäw ğalimnären häm milli oyışma citäkçelären qabul itü buldı. “Watanım” oyışmasın citäklägän tanılğan xirurg Renat Aqçurinnı, “Tatar dönyası” (“Татарский мир”) gäciteneñ baş möxärrire Vadim Çurbanovnı Tatarstannıñ Mäskäwdäge wäkilçelegennän Şamil Şämsetdinovnı BTKnıñ Başqarma komitetı räise Rinat Zakirov soñğı arada milli eşlärne canlandıru maqsatınnan başqarılğan ğämällär turında söyläde.

Mäskäw qunaqları bu oçraşuğa qädär Qazan ğalimnäre belän oçraşıp, fänni bäxäslärdä qatnaşıp, şaqtıy qızıqlı, ä qayçaq kötelmägän fikerlären şul seminarlarda qaldırğannar dip faraz itelsä dä, Vadim Çurbanov, mäsälän, monıñ kiresen rasladı. Üze citäklägän gäcitneñ populyar bulmawında, anıñ başqalabızda tar dairälärdä taraluında ul Qazan yağınıñ sülpän eşläwendä kürä ikän. Gärçä, berqatlı fiker yörtüçelär gäcit uquçılarnıñ küñelen yallıy almıy ikän, dimäk ul qızıq tügel, dimäk, jurnalistlar monı iskä almıy eşlilär, dip uylasalar da.

Oçraşuda süz şulay uq “Watanım” oyışmasınıñ Qazanda filialın buldıru turıda da bardı. Anıñ maqsatları bik açıq uq äytelmäsä dä, BTKnıñ Başqarma komitetı citäkçelege mäskäwlelärneñ problemalarına iğtibar itäçägen häm quldan kilgän yärdämne kürsätäçäge turında belderelde.
XS
SM
MD
LG