Accessibility links

якшәмбе, 4 декабрь 2016, Казан вакыты 07:06

Bıyıl Sabantuylar Rusiäneñ 40 töbägendä uza


Tatarlar oyışıp yäşägän töbäklärdä milli bäyrämebez – Sabantuyları uza başladı. Tatarstan xakimiäte, törle ölkälärdä uzaçaq milli bäygelärdä zur iğtibar kürsätep, anda qatnaşuçı rayonnarnıñ, şirkätlärneñ, oyışmalarnıñ cawaplı keşelärneñ isemlegen rasladı. Rusiädä uzaçaq 40-qa yaqın Sabantuylarına Tatarstannıñ tanılğan sänğätkärläre, yazuçıları, cämäğät oyışmaları citäkçeläre qanaşaçaq.

Kürşe Ulyanovsk ölkäseneñ Dimitrovograd şähärendä federal' Sabantuyı uzaçaq. Ul 15 iyüngä bilgelängän. Anda Tatarstannan zur delegatsiä qatnaşaçaq. 31 mayda Sabantuyları Tolyattida, Çuaşstanda häm Litvanıñ keçkenä genä Visaginas şähärendä dä uzaçaq. Anda yäşäwçe millättäşebez Anur Nogmanov süzlärenä qarağanda, bu bäygegä tatarlar Litva şähärlärennän genä tügel, Latviädän dä kilälär ikän.

Sabantuy ul küreşterä, tanıştıra, kemnärneder qawıştıra da. Nindi genä üzgäreşlär bulmasın, Sabantuy, şöker, yäşi birä. Dimäk, tatar isän - şunısına söyenergä qala.

Damir Ğısmetdin, Qazan.

XS
SM
MD
LG