İñ başta ul Waşingtonnan Pol'şağa kilde. Bush Pol'şada Natzi çorınnan qalğan Auschwitz elekke konsentratsiä lageren qarıy, Pol'şa prezidentı Aleksandr Kwasniewski belän oçraşa häm Krakov şähärendä atlantika-ara mönäsäbätlär turında çığış yasıy.
İrtägä Bush Peterburğa barıp başqa däwlätlär citäkçeläre belän bergä şähärneñ 300 yıllığın bäyräm itü tantanalarında qatnaşaçaq.
Yäkşämbe könne ul Fransiäneñ Evian şähärendä 8-lek illäre citäkçeläre oçraşuında qatnaşa.
Bush bu oçraşuda töp iğtibarnı kiläçäk xezmättäşlek mäs'älälärenä biräçägen häm Ğiraqtağı xärbi çaralar turındağı söyläşülärdän çitläşäçägen belderde. Sigezlekkä kergän Fransiä, Germaniä, Kanada häm Russiä xärbi çaralarğa qarşı çıqqan, ä Britaniä, Yaponiä häm İtaliä Quşma Ştatlarnı xuplağan ide. Annan soñ Bush Qahirägä barıp Ğäräp illäre citäkçeläre belän oçraşaçaq. Kiläse çärşämbedä ul İordaniädä İordaniä patşası Abdulla häm Fälestin, İzrail' premyer-ministrları belän oçraşaçaq.
