Accessibility links

җомга, 9 декабрь 2016, Казан вакыты 16:51

İrannıñ tışqı eşlär ministrı Tähran üz atom tikşerenü programmasın tuqtatmayaçaq dip belderä


Berlin, Berlin, Tähran. Bügen bäyän itelgän äñgämäsendä İran tışqı eşlär ministrı Kamal Xarazi, Tähran Quşma Ştatlarnıñ köçle basımına qaramastan, üzendäge atom tikşerenüläre programmasınnan waz kiçmiyäçäk dip belderä. Bügen Germaniäneñ Der Spiegel jurnalında dönya kürgän şul äñgämäsendä Xarazi, Amerikanıñ qarşılığı bulsa da İrannıñ tınıç maqsatlarda atom-töş texnologiälären täräqqi itterü xoquqı bar digän qaraş äytä, häm şunda uq Tähranda atom qoralına iä bulu teläge yuq dip belderä. Ul şulay uq, amerikan yağınıñ İran üzendä äl-Qai''dä suğışçılarına sıyınu birä digän ğäyepläwlären dä kire qağa. Waşington kiçä, Tährannıñ atomnı tınıç maqsatlarda ğına qullanuwın buldıru maqsatında üzeneñ dä Rusiä belän bergä İrandağı Buşer atom stansiäsen tözü eşenä quşılu ixtimalın kire qaqtı.

XS
SM
MD
LG