Accessibility links

шимбә, 10 декабрь 2016, Казан вакыты 02:21

Globalläşügä qarşı köçlär Fransiä häm Şvetsariädä politsiä belän bäreleşlärgä kerde


Jeneva, Şvetsariä. "Sigezlek" oçraşuwı barğan Evian şähäre tirälärendä, Fransiäneñ üzendä häm çiktäş Şvetsariädä, globalläşügä qarşı çıqqan meñlägän keşe bügen yul xäräkäten tuqtatıp, uramnarda ut törtep politsiä köçläre belän bäreleşlärgä kerde. İñ köçle qarşılıq çaraları Şvetsariäneñ Lausanne şähärendä uzdı, bitleklär kigän demonstrantlar politsiägä taşlar atıp, ber zur kibetne häm yağulıq stansiäsen taladı. Politsiä anda qatnaşuçılarnıñ berniçäsen qulğa aldı, bäreleşlär näticäsendä yaralanuçılar da buldı, şular arasında ber politsiä xezmätkäre dä bar dip xäbär itelä. Politsiä mäğlümatına qarağanda, Jenevada uzğan şundıy uq çaralarda 17 meñ keşe qatnaşqan, oyıştıruçılar isä bu san 120 meñ tiräsendä buldı dip belderä.

XS
SM
MD
LG