Bagdad. İldäge humanitar eşçänlekne küzätü häm köyläw eşlären alıp baru öçen irtägä Ğiraq başqalasına Berläşkän Millätlär Oyışmasınıñ maxsus wäkile, Sergio Vieira de Mello kiläçäk. Moña qädär BMO-nıñ keşe xoquqların saqlawçı maxsus wäkile bulıp torğan de Mello älege eşen 4 ayğa qaldırıp tora häm Ğiraqtağı berektäşlär belän ildä humanitar eşçänlekne cayğa salu öçen Bagdadqa kilä. Ğiraqnı torğızu häm humanitar yardäm kürsätü idaräse wäkile John Kincannon üz oyışmasınıñ Vieira de Mello belän kileşep eşläwenä ömet belderde.
