Accessibility links

шимбә, 3 декабрь 2016, Казан вакыты 07:55

İzrail qorallı köçläre fälästinlelärgä qarata säyäxät çikläwlären ciñeläytte


Gaza şähäre. Quşma Ştatlar ximayäsendäge İzrail-fälästin oçraşuwı aldınnan İzrail qorallı köçläre, Könbatış yar häm Gaza sızığında yäşäwçe fälästinlelärgä qarata kertelgän säyäxät çikläwlären ciñeläytergä buldı. Fälästin räsmiläre birgän mäğlümatqa qarağanda, İzrailgä kerü röxsäte bulğan 3 meñ yarım fälästinle bügen Gazadağı Erez çik nığıtması aşa İzrailgä çıqqan. Elegräk İzrail ğäskäriläre, üzläreneñ Könbatış Yarda häm Gaza sızığında qaluwın, läkin 25 meñ fälästinlegä kön sayın İzrailgä kerü röxsäte bireläçägen xäbär itkän ide. Säyäxät çikläwlären ciñeläytüne İzrail premyer-ministrı Ariel Şaron uzğan atnada yaña fälästin premyerı Mäxmüd Abbas belän oçraşqanda täqdim itkän ide. Fälästin idaräsendäge xezmät ministrı Xäsän Xatip, Könbatış Yar häm Gaza sızığında yäşägän millionlağan fälästinlegä soñğı ciñeläytüneñ tä'sire ällä ni bulmayaçaq dip belderde.

XS
SM
MD
LG