Accessibility links

шимбә, 3 декабрь 2016, Казан вакыты 12:44

AQŞ prezidentı George Bush Yaqın Könıçışta tınıçlıq urnaştıru eşendä tärräqiät bulaçaq dip ışana.


Bush İzrail'' belän fälestinlelär arasında tınıçlıqqa ireşü häm ike kürşe däwlätneñ tatu yäşäwenä yardäm itü öçen kiräk bulğan qädär waqıtın birergä wäğdä itte. Fransiäneñ Evian şähärendä şuşı belderüne yasağannan soñ ul yaña tınıçlıq planı turında söyläşü öçen Yaqın Könçığışqa kitte. İrtägä Bush Şärm äş-Şäixtä Ğäräp illäre citäkçeläre belän oçraşa. Çärşämbedä ul İordaniädä İzrail'' premyer-ministrı Ariel Şaron häm Fälestin premyer-ministrı Mäxmüt Abbas belän söyläşäçäk. Älege oçraşu aldınnan İzrail'' Könbatış Yarda häm Gazada fälestinlelärgä qarata qayber xäräkät çikläwlären yomşartıp, meñnärçä fälestinlegä İzrail''gä eşkä baru mömkinlegen birde. Bügen Fälestin premyer-ministrı Abbas Hamas häm İslamçı Jihad kebek suğışçan törkemnär İzrail''lelärgä qarşı höcümnärne tuqtatu turında kileşer dip ömetlänüen belderde.

XS
SM
MD
LG