Accessibility links

шимбә, 10 декабрь 2016, Казан вакыты 04:13

Çärşämbedä ütäçäk 3-yaqlı oçraşu aldınnan George Buş ğäräp illärennän solıx yulına xuplaw aldı


Sişämbedä Amerikan prezidentı George Buş Misırnıñ Şarm-Äl-Şäyx şähärenä kilep ber törkem ğäräp illäre citäkçeläre, şul isäptän Fälestin premier-ministrı Mäxmüt Abbas belän oçraştı. Çärşämbedä İordaniäneñ Aqaba şähärendä Buş, Abbas häm İsrael premier-ministrı Ariel Şaron qatnaşında 3-yaqlı oçraşu ütäçäk. Söyläşülärneñ kön tärtibendä - Yaqın könçığışta solıx yulı dip atalğan plannı ğämälgä quyu.

Aq Yortqa kilüenä 2-yıl-yarım bulğannan soñ amerikan prezidentı Yaqın könçığışta solıx urnaştru maqsatında citdi ğämällär kürä başlıy. Sişämbedä George Buş "solıx yulı" dip atalğan planğa xuplaw qazanu maqsatı belän Qızıl diñgez buyında urnaşqan Şarm-Äl-Şäyx kurortına kilep ber törkem ğäräp illäre citäkçeläre belän oçraştı. Başta ul Misır prezidentı Xösni Möbäräk belän küreşte, annarı alarğa Söğüd, İordan, Bahrein patşaları häm Fälestin premier-ministrı Mäxmüt Abbas quşıldı. (Bu Abbasnıñ xalıqara säxnägä berençe çığuwı buldı.)

Quşma Ştatlar, Yevropa Berlege, Berläşkän Millätlär häm Rusiä tarafınnan äzerlängän planda 2005nçe yılda Fälestin däwläten tözü qaralğan. 3 öleştän torğan bu dokumentta İsrael belän Fälestinneñ ber-ber artlı başqarası ğämälläre sanalğan. Fälestin yağı planğa nigezdä rizalıq birde. Israel yağınıñ berniçä iskärmäse bar. Misal öçen ul basıp alınğan cirlärdä tözelgän yäxüd toraqların saqlap qalırğa cıyına. Bügen Qızıl diñez yarında ütkän matbuğat oçraşuında çığış yasap, Buş bolay dip belderde:

Audio: "İsrael cawaplılıq aldı, häm ul toraq mäsäläsen xäl itergä tieş. Axır çiktä İsrael, Fälestinnärneñ üz yortı dip atarlıq cirläre buluın tanırğa tieş. "

Töbäktä qan qoyunı tuqtatu öçen cawaplılıqnı Buş tigez itep här yaqqa bülde. Fälestin yağı, töbäktäge ğäräp illärenä möräcägät itep ul teror digän ğämällärgä çik quyarğa çaqırdı:

Audio: "Bezgä suğış häm intifadalar arasında tuqtalıp toru ğına tügel, ä çın solıx, Yaqın könçığış xalıqları arasında daimi kileşü kiräk."

Şulay itep Buş, elekke prezidenttan ayırmalı bularaq, cawaplılıqnıñ zur öleşen Fälestin belän İsraelneñ üzenä tapşıra. Bilgele bulğança, Bill Clinton Fälestin däwläteneñ çikläre, İerusalemnıñ statusı kebek çeterekle mäsälälärne tikşerüdä üze qatnaştı. Buş isä alay mäşäqätlänep tormıy, küzätüçelär äytüençä, aña çikneñ qayan ütüwe tügel, ä bu çik qısalarında nindi eçtälek buluı möxim, başqaça äytkändä, Fälestin üzidäräsendä reforma ütkärü. Fälestinneñ yaña premier-ministrın bilgeläw şul strategiäneñ ber öleşe buldı häm İsraelneñ küptänge teläge ide. Süz uñayınnan, Buş – bu säfärendä Fälestin citäkçese Yasir Arafat belän oçraşıp tormıy. Bügen ul ğäräp illäreneñ xuplawın qazandı. Ber qulına şul xuplaw, ikençesenä "solıx yulı" planın totıp xäzer ul İordanğa yul ala. Çärşämbedä İordannıñ Aqaba şähärendä Buş, Abbas häm İsrael premier-ministrı Ariel Şaron qatnaşında 3-yaqlı oçraşu ütäçäk.

Ali Gilmi, Praga
XS
SM
MD
LG