Accessibility links

җомга, 2 декабрь 2016, Казан вакыты 21:12

AQŞ prezidentı George Bush Misrnıñ Şärm äş-Şäix şähärendä ğäräp illäre citäkçeläre belän oçraştı.


Misrnıñ Şärm äş-Şäix şähärendä ğäräp illäre citäkçeläre belän oçraşudan soñ AQŞ prezidentı George Bush bu oçraşu Yaqın Könıçışta tınıçlıq urnaştıru eşendä tärräqiät buldırdı dide. Oçraşuda Misr prezidentı Xösni Möbäräk, Söğüd şahzadäse Abdulla, İordaniä patşası Abdulla, Bahrain patşası Xämät häm fälestin permyer-ministrı Mäxmüt Abbas qatnaştı. Möbäräk belän urtaq matbuğat oçraşuında çığış yasap Bush 5 ğäräp citäkçese töbäktä köç qullanunı bastırırğa wäğdä birde dide. Bush oçraşuda qatnaşuçılarnıñ barısı da töbäktä tınıçlıqqa ireşü öçen alğa taba xäräkätne däwam itärgä teli dip belderde:

AUDİO: Bez çın tınıçlıq telibez. Tağın da qatıraq suğışlar häm intifadalar arasındağı tınlıqnı ğına tügel, ä Yaqın Könçığıştağı xalıqlar arasında daimi tatulıq urnaşuın telibez.

Misır Prezidentı Möbäräk, Ğäräp citäkçeläre 2005-nçe yılda Fälestin däwläte tözüne maqsat itkän yaña tınıçlıq planın xuplıy dip belderde. İrtägä Bush İordaniäneñ Aqaba şähärendä Fälestin premyer-ministrı Abbas häm İzrail'' premyer ministrı Ariel Şaron belän oçraşa.

XS
SM
MD
LG