Pol'şa tışqı eşlär ministrı NATOnıñ Varşavağa Ğiraqta xärbi köçlär urnaştırırğa yardäm itü qararın xuplap çıqtı. Pol'şa köçläre anda xalıqara totrıqlılandıru köçläreneñ ber öleşe bularaq qatnaşaçaq.
Madridta NATO illäre tışqı eşlär ministrlarınıñ ike könlek oçraşuı açılğanda Pol'şa ministrı Wlodzimierz Cimoszewicz Pol'şa NATOnıñ bu qararınnan bik tä qänäğät dide.
Tışqı eşlär ministrları älegä NATO Ğiraqta tınıçlıq saqlaw eşendä turıdan turı qatnaşmayaçaq dip belderde.
Şulay da NATO süzçese Mark Laity NATO Pol'şağa qayber ölkälärdä, şul isäptän elemtä urnaştıruda, ğäskärlärne koordinatsiäläwdä, cihazlarnı küçerüdä, küzläw mäğlümätläre cıyuda yardäm itärgä kileşte dide.
Cimoszewicz bu qarar, şulay uq NATOnıñ Qabulda tınıçlıq saqlaw yöklämälären üz östenä alu niätläre saqlanu berlegeneñ Ğiraq suğışına bäyle büleneştän qotıla baruın kürsätä dide.
