Accessibility links

Кайнар хәбәр

Äfğänstannıñ könyağında Prezident Xämit Karzaiğa tuğrılıqlı ike cirle xärbi citäkçeneñ ğäskärläre üzara atıştı.


Kimendä 2 soldat häm ber tärcemäçe hälak buldı dip xäbär itelä. Atış kiçä AQŞnıñ Spinboldaktağı xärbi bazası yanında bulğan häm AQŞ xärbiläre kilep berniçä äfğän suğışçısın qulğa alğaç qına tuqtalğan.

İkençe ber cirle xärbi citäkçe Abdul Räşit Dostumnı başqala Qabulğa kiterep tınıçlandıru tırışlığı fayda kitermäde dielä. Mazari Şäriftäge älege xärbi citäkçeneñ armiäse yış qına başqa xärbi köçlär belän bäreleşep tora. Räsmilär äytüençä, Dostum Qabulğa prezident Karzainıñ iminlek kiñäşçese bularaq küçep kiler dip kötelgän. Ämma Dostum tönyaqta, Mazari Şäriftä qalırğa bulğan. Äfğänstannıñ könyaq-könçığışında AQŞ citäkçelegendäge koalitsiä köçlärenä yağulıq alıp kilüçe 4 maşina saftan çığarılğan. Qorbannar yuq dip xäbär itelä. Äfğänstan Prezidentı Xämit Karzai irtägä Londonda Britaniä premyer-ministrı Tony Blair belän oçraşırğa cıyına.
XS
SM
MD
LG