Accessibility links

чәршәмбе, 7 декабрь 2016, Казан вакыты 19:36

Cäyge yalğa äzerlek bara


Ministrlar Kabinetınıñ sişämbe brifingında da UNESCO telgä alındı. Eçke turizm turında söylägändä, yäşlär eşläre häm sport ministrı Marat Bariev Qazan Kremle, Zöyä utrawı kebek urınnarnıñ UNESCO isemlegenä kertelüe yä mömkinlege eçke turizm üseşenä uñay tä'sir yasıy, dip belderde. Xäzer Bolğarda, Bilärda xalıqara däräcädä otellär tözü öçen investorlar tabılğan inde. Ä bolay brifingta süz mäktäp balaları yalın oyıştıru xaqında bardı. Bıyıl şähär çitendäge cäyläwlärdä 400 meñgä yaqın mäktäp balası yal itäçäk. Alarğa yal şartları buldıru öçen büdjettan 500 million rubl' bülep birelgän bulğan. Küptän tügel Ministrlar Kabinetınıñ maxsus utırışında östämä 45 million rubl' birelgän. Balalar yalı öçen cawaplı ministrlıqlar wäkilläre bu aqçalarnıñ citärlek buluın raslıylar. Tatarstannan 4 meñ bala cäyge yalğa Qara diñgezgä, Qırımğa cibäreläçäk. Tatarstanda yal itüçe balalarğa yullama bäyäse 3100 rubl' çaması. Şunıñ 25 protsentın, yäğni 412 sumın ata-analar tüli. Qırımğa cibäräse balalarğa da yullama bäyäseneñ küp öleşen büdjet kütärä. Läkin ata-analarğa da 3-4 meñ aqça totarğa turı kiläçäk. Tatarstandağı yätimnär yortında yäşäwçe 600 balanıñ barısına da büdjet xisabına yullama bireläçäk.

Yunıs Ätnäle, Qazan

XS
SM
MD
LG