Accessibility links

шимбә, 3 декабрь 2016, Казан вакыты 03:28

AQŞta media xucalığına qarağan qäğidälär yomışartıldı.


AQŞ xökümäte medianıñ xuçalığı mäsäläsenä qarağan qäğidälärne üzgärtte. Şuşı üzgäreşlärgä esasän media şirkätläre ber ük şähärdä häm televideniä häm gazeta xucaları bula alaçaqlar. Ber ük vaqıtta häm televideniä häm radio xucası bulu mäsäläsendä dä çiklävlär yomışartılğan. Üzgäreşne yaqlauçılar aldınğı texnologiä säbäple, ul çiklävlärneñ näticälelegen bareber yuqqa çıqtı inde digän fiker beldergändä, tänqitçelär media şirkätläre xäzer cämağätçelek fikerenä täsir häm anı kontrol itü mömkinlegenä iä bulaçaqlar dip borçılalar.

AQŞta ber ük şähärdä häm televideniä häm gazetağa xuca bulu yıllardan birle tıyılğan ide. Şulay uq ber ük şirkätneñ ber ük şähärdä küpme televideniä häm radioğa xuca bula aluı da çiklängän ide. 60 yıllar elek kertelgän şuşı çiklävlärneñ maqsäte şirkätlärgä informatsiä ölkäsendä monopolgä yuq quymau häm konkurensiä buldıru ide. AQŞnıñ Federal Kommunikatsiä Komissiäse xäzer bu çiklävlärne yä beterde yäisä çikläde. Bu qarar komissiädäge biş ağzanıñ öçeseneñ tauışı belän qabul itelde. Şuşı öç ağza respublikannar, qarşı tauış birüçe ike ağza demokratlar partiäsennän. Şuşı ügäreşlärgä kürä, Amerikanıñ ere şähärlärendä ber şirkät häm televidneiä häm gazetalarğa xuca bulaalaçaq. Urta zurlıqtağı şähärlärdä prinsipta şuluq närsägä rüxsät itelsä dä, qayber çiklävlär üz köçendä qala. Ä inde öç yäisä kimeräk televideniä şirkäte bulğan şähärlärdä çiklävlär üz köçendä qala. Annan başqa ber ük vaqıtta televideniä häm radioğa xuca bulu qäğidäläre dä yomışartıldı. Şuşı üzgäreşlärne yaqlauçılar, şul sanda Buş administratsiäse häm küpkenä media şirkätläre, zamança texnologiä säbäple bu çiklär bareber iskergän ide digän fikerdälär. Alarnıñ fikerençä, çıbıp, cir iärçene häm internet säbäple istiğmalçılar bareber yözärlägän televideniä kanalın qarıy alalar, şul säbäple çiklävlär mäğnäsez. Bu qararnı tänqitlävçelär, şul sanda grajdannıq xoquqın yaqlauçılar häm uqımışlı qatlam , bu qarar informatsiä çaralarınıñ konsolodatsiäsenä kiteräçäk häm üzgä-başqa fikerlärne işetterüne qıyınlaştıraçaq dip borçıla. Alar şulay uq çiklävlärne beterü programmalardağı törlelekne beteräçäk digän fikerdälär. AQŞta 200 meñ ağzası bulğan xökümätneñ küzätü agentı Common Cause yäğni Urtaq maqsäneñ prezidentı Şellin Pingrin xanımnıñ süzlärençä, 96-nçe yılda radio xuçalığına qarağan qäğidälär dä yomışartılğan häm monıñ näticäsendä cirle programmalar da häm törlelek tä kimegän bulğan.

Audio

"Uzğanğa küz salsañ , cirle programmalarnñ da häm yaxşı infromatsiä alu mömkinlegeneñ dä kimegänen küräseñ . Bez qäğidälärne üzgärtügä qarşıbız häm cämğiätneñ törle qatlamnarınıñ bezgä quşıluın küräbez."

Üz nävbätendä Federal Kommunikatsiä Komissiäse prezidentı Michael Powell üzgäreşlärne yaqladı häm elekke çikävlärne qanuni yaqtan ğämälgä quyu bareber mömkin tügel ide dip belderde. Qäğidälärne üzgärtü yaqın kiläşäktä zur üzgäreşlärgä kiterer dip kötelmi. Xätta küpkenä parlamentarlar da monıñ belän qänäğät tügel dip belderelä. Annan başqa cirle külämdä xucalarnı almaştırunı mäxkämä aşa tuqtatu tırışlığınıñ buluı da ixtimal.

Färit İdelle, Praga.
XS
SM
MD
LG