Accessibility links

шимбә, 10 декабрь 2016, Казан вакыты 17:52

Möselman xatın-qızları pasport alu öçen byurokratik kirtälär aşa ütärgä mäcbür...


Pasportqa yawlıq kiep töşü qissasına noqta quyıldı, dip sanalsa da, alay tügel ikän äle. Rusiä eçke eşlär ministrı Boris Grızlov 2 yün könne yawlıqlı pasportlarnı birergä röxsät itä torğan tieşle käğäzlärgä qul quysa da, äle ber genä möselman xatın-qızınıñ yaña tanıqlıq alğanı yuq. Elek eçke eşlär ministrlığı, Yuğarı mäxkämäneñ kire uylawına ömetlänsä,xäzer inde ministr qul quyğaç, eş käğäzlärenä tieşle üzgäreşlärne kertergä mäcbür bula. Läkin pasport-viza xezmäteneñ wäkilläre beldergänçä, alarğa ministr boyırığı haman da kilep citmägän, şuña kürä pasportlar da äle birelä başlamağan.
Möselman xatın-qızlar berlege citäkçese Almira Adiatullina «Azatlıq» radiosınıñ Qazan byurosına şaltıratıp yaña pasport alu mäşäqätläre turında söyläde. Fotoräsemgä töşü öçen dä, küpme käğäz häm qanun kütärep barıp, räsem yasawçığa añlatırğa turı kilgän. Pasport-viza xezmätendä dä, dokumentlarnı telär-telämäs kenä qabul itkän. İnde xäzer, Almira xanım, pasportı äzer bulıp, anı qulına alu könen zarığıp kötä. Çärşämbe könne bu waqiğa bulırğa tieş bulsa da, pasport äzer bulmaw säbäple, kiçekterelgän ikän.
Şulay itep, pasport-viza xezmätennän alınğan cawaptan añlaşılğança, teläklärenä ireşü öçen möselman xatın-qızlarına äle byurokratik kirtälärne cimerergä turı kiläçäk.

XS
SM
MD
LG