4 yündä Qazan däwlät universitetında xalıqara mäs’älälärgä bağışlanğan konferensiä başlandı. Anda «Ğiraq suğışınnan soñ xalıqara mönäsäbätlärneñ üzgärüe» digän tema tikşerelä. Bu çara Almaniä könnäre qısalarında bara. Şuña kürä konferensiädä, kübräk Almaniä tışqı säyäsäte häm anıñ Rusiä belän mönäsäbätläre temasına qarata notıqlar yasala. Konferensiädä Almaniä häm Rusiä ğalimnäre qatnaşa, alman telen tiränten öyrängän mäktäp uquçıları häm universitet studentları da anda çığış yasayaçaq. Anda, şulay uq, alman yuğarı uqu yortlarınıñ täqdir itü çarası dä bulırğa tieş. Konferensiäneñ soñğı könendä «Ğiraq suğışınnan soñ dönya säyäsäteneñ üzgärüe» turında , Almaniä ilçelege, Qazan ğalimnäre häm cämäğät eşlekleläre qatnaşlığında fiker alışu bulaçaq. Bu çaralarğa şulay uq Almaniäneñ Rusiädäge ilçesen dä çaqırğannar, läkin anıñ kilüe şikle, anıñ urınına İlçelekneñ säyäsät bülege citäkçese kilergä teläk beldergän ikän.
