Accessibility links

якшәмбе, 11 декабрь 2016, Казан вакыты 10:57

Ğömär Sabircanov: «Dan qazanğan çittäge millättäşlärebez dä tatar entsiklopediäsenä kertelä ala...»


1999 yılda Tatar ensiklopediäseneñ 1nçe tamı basıldı, digän xäbär çıqqan ide. Ul cämäğätçelekkä täqdim itelde. Satuğa çıqtı, dönya buylap taraldı. İnde mäğlümat çaraları yañadan tatar ensiklopediäseneñ 1nçe öleşe näşer itelde, dip iğlan itte. Monda ber nindi yalğışlıq yuq. Çönki 1999 yılda ensiklopediä tügel, ä ensiklopedik süzlek kenä çıqqan bulğan ikän. Yaña çıqqan kitap häm anda kergän şäxeslär turında Tatar ensiklopediäse institutı direktorı, kitapnıñ cawaplı möxärrire Ğömär Salix ulı Sabircanov belän äñgämä qordıq. Ul bezgä yaña basılıp çıqqan fänni xezmät häm elegräk dönya kürgän süzlek arasındağı ayırmanı da añlattı.

Audio.
Ul süzlek fänebez tarixında berençe tapqır xalıqnıñ belem tuplağan berençe şundıy fundamental xezmät ide. Läkin ul süzlek kenä ide. İnde menä şuşı könnärdä näşriättän Tatar ensiklopediäseneñ berençe tamın alıp qayttıq. Bu tamga 4 700 mäqälä kergän, anıñ yartısınnan artığı şäxeslär turında. Bezneñ millättäşlär qaya qına yäşämäsen, Amerikada bulsın, Germaniäda bulsın, ägär yäşägän cirdä dan qazanğan keşe ikän, bez anı bu xezmätkä kertäbez.

Bu tomğa bezneñ yaqlardan çıqqan tatar şäxesläre genä tügel, näselendä tatar bulğan keşelär dä kergän. Mäsälän, urıs şağiräse Anna Axmatova. Tatar ensiklopdik süzlekneñ urısçası Londonda çığarılğan bulsa, tatarçası – Xelsinkida basılıp yata. Tatar ensiklopediäseneñ berençe tomı ise Qazanda, «İdel-Press» näşriätendä dönya kürde. Ul, şundıy uq, sıyfatlı fin kägäzendä häm tösle räsemnär belän basılğan. Berençe kitapka A., B., V., xärefenä başlanğan waqiğalar häm şäxeslär kergän. Qalğan 4 kitap Qazannıñ 1000 lığı citkän könnärgä qädär çığıp betärgä tieş. Ni säbäple şundıy sallı xezmätlär tatarça tügel, ä urıs basıla digän sorawğa Ğömär Salix ulı bolay cawap birde.

Audio.
Tatarça xezmätlär basılmıy tügel, basıla. Ensiklopedik süzlekneñ tirajı – şuşı könnärdä Finländiädän qaytırğa tieş. Ä tatar telendäge ensiklopediä östendä eşne bez inde başladıq. Ul kiläse yılğa äzer bulır tieş. Anda awırlıqlar bik küp äle, tatar telendä fänni terminnarnı añlatu häm alar turında yazu bik awır, belgeçlär dä citmi, häm başqa xäl itelmägän problemalar da küp.

Yaqın arada Qazanda şuşı kitapnıñ täqdir itüe oyıştıralaçaq, bu comğa könne Ensiklopediä institutına näşriättän tulı tiraj qaytarılaçaq. Şunnan soñ ul satuğa çığarılırğa tieş. Bäyäse – 200 sum tiräse.

XS
SM
MD
LG