Accessibility links

якшәмбе, 11 декабрь 2016, Казан вакыты 17:01

Kitaplar işelep çığa...


Bu arada kitap näşriätläre, äyterseñ lä yarışa-yarışa qızıqlı basmalar näşer itep uquçılarnı söyenderälär. Beraz totqarlanıp bulsa da, Bötendönya tatar kongressınıñ III qorıltayı materialları dönya kürde. 606 dan artıq bittän torğan bu basmada qorıltayğa qarağan barlıq dokumentlar da bar. Älbättä, biredä älege ğäli mäclestä yañğırağan çığışlar tulayım bastırılğan. 1500 danä tiraj belän dönya kürgän kitap tiz arada tatarlar oyışıp yäşägän töbäklärgä barıp ireşer digän faraz bar. Çönki kiläse atnada BTKnıñ Başqarma komitetı Qazanda zur cıyın uzdıra. Qısqaça äytkändä, anda süz tatar mäğrifäte turında baraçaq. Älege çarağa Rusiä töbäklärennän häm BDB illärennän tatar cämğiätläre citäkçeläre, biznes ähelläre cıyılaçaq. Dimäk ki, III qorıltay materialları yaqın arada millättäşlärebez qulına keräçäk.

Süz uñayınnan äytik, qunaqlar Qazanğa 12 yündä kilä başlıylar, 13 yündä köne buyı millät problemaları turında söyläşäçäklär, 14 yündä tañ belän torıp Sember ölkäseneñ Dimitrovoğrad şähärenä Sabantuyına yul totaçaqlar, 15 yündä alar öylärenä qaytıp kitäçäklär.

“Ğasırlar çigendä tel häm etnos” isemle cıyıntıqnı pänceşämbedä Bötendönya tatar kongressında täqdir itü buldı. “Mäğärif” näşriäte tarafınnan bastırılğan bu kitap rus telendä çıqqan. Anıñ avtorları Tatarstan fännär akademiäse, Tarix institutı ğalimnäre şaqtıy qızıqlı mäğlümat tuplağannar. Mäsälän, 188nçe bittä kiterelgän tablitsada Tatarstanda başqa millätlärneñ tatarça belüe turında sannar kiterelgän. 1970-1989 yıllarğa xätle däwerdä ruslar, udmurtlar, marilar, başqortlar, çuaşlar arasında tatarça söyläşüçelär sanı kimi barğan. Täqdir itüdä tatar telen ğämälgä kertüneñ äkren baruı, törle qarşılıqlarğa duçar buluı turında da fiker alıştılar. Oçraşuda xökümät wäkilläre, “Mäğärif” näşriäte citäkçeläre, ğalimnär qatnaştı.

Bu çaranı açıp cibärep, Ministrlar Kabinetındağı Tatarstan xalıqları tellären üsterü bülege başlığı Kim Miñnullin bolay dide.

AUDİO. Kim Miñnullin älege cıyıntıqnıñ ähämiäte, tel mäs’älälärneñ äkren çişelüe turında söyli.

Menä şulay, tatar tele üsterü turında bik küp döres süzlär äytelä, ä çınbarlıqta isä anıñ belän qızıqsınuçılar sanı kimi bara.

XS
SM
MD
LG