Accessibility links

дүшәмбе, 5 декабрь 2016, Казан вакыты 01:22

Russiäneñ Rotek saqlanu şirkäte citäkçese Sergey Şitko üterelde.


Şitko uzğan comğada Rotek şirkäten üz eçenä aluçı Almaz Antey konsorsiumı başlığı İgor Klimov üterelgännän soñ berniçä säğät uzu belän üterelgän. Militsiä bu ike cinayät ber-bersenä bäyle bulırğa mömkin dip belderde. Şitko Mäskäwdän 90 çaqrımlap könyaqta urnaşqan Serpukov şähärendä atıp üterelgän. Rotek şirkäte bıltır Russiä prezidentı Vladimir Putin färmanı belän oyıştırılğan häm barlığı 40-tan artıq saqlanu şirkäten üz eçenä aluçı Almaz Antey konsorsiumına kerä. Almaz Antey başlığı comğa könne öyennän çıqqanda bilgesez keşe tarafınnan tawış tomalağıçlı pistolettan atıp üterelde. Almaz Anteyda törle törkemnärneñ citäkçelek öçen köräşennän soñ Klimov bu wazıyfağa fevral' ayında ğına mödir wazıyfaların başqaruçı itep bilgelänep quyılğan ide. 26-nçı iyüngä bilgelängän aksionertlar cıyınında Almaz Anteynıñ daimi mödire saylanırğa tieş ide.

XS
SM
MD
LG