Accessibility links

шимбә, 10 декабрь 2016, Казан вакыты 21:43

Grusiädä BMO küzätüçelären totıq itep aluçılar $1 500 000 sorıy.


Uzğan atnada Gruziä belän annan ayırılırğa teläwçe Abxaziä arasındağı Kodori tarlawığında BMOnıñ 4 wäkilen totıq itep alğan keşelär alarnı azat itü öçen beryarım million dollar aqça taläp itä. Gruziäneñ milli iminlek şurası sekretar urınbasarı Djemal Gaxokidze Gruziä xakimiätläre dä Gruziädäge BMO wäkilçelege dä totıq aluçılarğa aqça tülärgä cıyınmıy dide. 4 totıqnıñ 2-se Germaniä, berse Daniä xärbi küzätüçese häm berse Gruziäle tärcemäçe. Küzätüçelär Gruziä belän Abxaziä arasındağı solıx kileşüeneñ ütäleşen küzätü wazıyfasın başqarğanda totıq itep alınğan. Gruziä iminlek köçläre alarnı cirle cinayätçel törkem alıp kitkän dip isäpli. Biredä BMO küzätüçeläre elek tä 2 märtäbä totıq itep alınğan ide. Ul çaqta alar söyläşülär aşa azat itelde.

XS
SM
MD
LG