Accessibility links

якшәмбе, 11 декабрь 2016, Казан вакыты 11:00

Waşington fälestin premyer-ministrın yaqlıy häm suğışçan törkemnärgä solıxqa kirtä quyu mömkinlege birmäskä çaqıra.


AQŞ prezidentınıñ däwlät iminlege kiñäşçese Kondoleezza Rice Waşington fälestin premyer-ministrı Mäxmüt Abbanı nıq yaqlıy häm Erezdağı İzrail'-Gaza çik qapqasında 4 izrail'lene ütergän höcüm Yaqın Könçığışta tınıçlıq urnaştırü eşen tuqtatmasqa tieş dip belderde. Rice İzrail'lelär häm fälestinlelär uzğan atnada ütkän Yaqın Könçığış sammitı nigezendä eşçänlekne däwam itärgä tieş dide. Uzğan atnada AQŞ Prezidentı George Bush qatnaşındağı oçraşuda, Abbaz izrail'lelärgä qarşı höcümnärne tuqtatırğa, İzrail' premyer-ministrı Ariel Şaron fälestin cirlärendäge yähüd bistälären beterä başlarğa wäğdä birgän ide. Bügen Erezda bulğan höcüm öçen cawaplılıqnı Fälestin citäkçese Yasir Arafatnıñ Fatah xäräkätenä bäyle Hamas, İslamçı Cihad häm äl-Aqsa şähitläre törkeme üz östenä aldı. Bügen AQŞ däwlät sekretare Colin Powell Arafatnı tınıçlıq urnaştıru öçen kübräk tırışırğa çaqırdı.

XS
SM
MD
LG