Accessibility links

чәршәмбе, 7 декабрь 2016, Казан вакыты 00:57

Rim Papası İoann Paul ikençe üzeneñ 100nçe xac säfärennän kire Rimğa qayttı


Rim Papası İoan Paul İkençe üzeneñ Xorvatiägä 5 könlek säfären tämamlap kire Rimğa qayttı. Säfäre-100nçe tapqır çitkä xacğa barunı bilgeläw öçen oyıştırılğan ide. Bügen Rim Papası Xorvatiäneñ Zadar şähärendä wağäz tıñlarğa cıyılğan 100 meñ keşene sälämläde. Rim Papası, 90nçı yıllarda bulğan suğış qayğısı, cıyılğan xalıqnıñ yözlärendä äle dä kürenä, dide. Könyaqkönçığış Yevropadağı 9 däwlät wäkilläre häm Totrıqlılıq Paktı koordinatorı Erhard Busk, töbäktä xezmättäşlek turında fiker alışır öçen bügen Sarayevoda cıyıldı. Albaniä, Bosniä-Herzogovina, häm Serbiä-Çernogoriäne tışqı eşlär ministrları wäkillek itä, şulay uq Könyaqkönçığış Yevropada Xezmättäşlek Şurası utırışında Bolğarstan, Gresiä, Makedoniä, Xorvatiä, Rumıniä häm Törkiä wäkilläre qatnaşa. Älege utırış-İün ayınınıñ 20sendä Gretsiäneñ Thessaloniki şähärendä uzaçaq Yevropa Berlege summitına äzerlek bularaq oyıştırıldı. Bosniä tışqı eşlär ministrı Mladen İvaniç süzlärençä, utırışta qatnaşqan illärneñ töp maqsatı-Yevropağa intergratsiälänü: "Könyaqkönçığış Yevropa illäreneñ Yevropa tirälegenä integrasiälänüe-bezneñ töp maqsatıbız. Häm bez –bu maqsatqa ireşep bulır dip ışanabız" dide İvaniç. Bügenge utırış töbäktä xezmättäşlekneñ planın bilgelägän deklaratsiä qabul itü belän tämamlanır dip kötelä.

XS
SM
MD
LG