Accessibility links

шимбә, 3 декабрь 2016, Казан вакыты 16:49

Rusiäneñ sänäğät, fän häm texnologiä ministrı İlya KlebanovAlabuğa Saban tuyında qatnaştı.


Respublika citäkçeläre dä xalıq ciennarında buldı, üzläre belän zur qunaqlarnı alıp kilde. Parlament citäkçese Färit Möxämmätşin Saba häm Quqmarağa barsa, xökümät citäkçese Röstäm Miñnexanov Alabuğada küñel açtı. Alabuğa Saban tuyınıñ fotosurätlärenä qarağanda, anda tübätäy kigän İlya Klebanovnı da kürep bula ide.

Rusiä xökümäte ägzäse, sänäğät ministrı İlya Klebanov, Tatarstanğa, KamAZ şirkäteneñ yıllıq utırışında qatnaşu öçen kilgän ide. Ul bu şirkättä direktorlar şurası räise bulıp tora. KamAZ şirkäteneñ ütkän yılda kereme 78 million bulsa da, elekke burıçlar 30 milliard sumğa tiñ. Şunıñ arqasında şirkät qibatlı käğäzlär iälärenä divident tüli almağan. Tulayım alğanda KamAZnıñ eşçänlege uñay bäylängän.

İkençe könne, İlya Klebanov häm Röstäm Miñnexanov Alabuğa Saban tuyında qatnaştı. Anda şulay uq «Tatneft» şirkäte citäkçelege, Rusiäneñ Tula ölkäse wäkilçelege dä qatnaştı. Tulanıñ Aleksin şähäre Alabuğa belän tuğanlaşqannar ikän, şuña kürä xäzer ike şähär başlığı ber-bersenä qunaqqa yöreşä, büläklär bireşä.

Bikä Timerova, Qazan.

XS
SM
MD
LG