Accessibility links

пәнҗешәмбе, 8 декабрь 2016, Казан вакыты 05:21

Qazan saban tuyı kiçekterlmi.


Bıyılğı Saban tuyları aldınnan bu bäyräm nindi bulırğa tieş digän tema qaynarlanıp kitte. Mäğlüm ki, uzğan atnada Mintimer Şäymiev UNESCO general' direktorı Koitiro Matsuura belän kommyunike imzalağanda, Sabantuyın şedevrlar mirası isemlegenä kertü telägen belderde. Tatarnıñ qäderle milli bäyräme dönya mirası isemlegenä nindi bulıp kerer soñ? Xäzer bit Sabantuyında çülmäk watudan armreslenigka xätle barısı da bar. Mintimer Şäymiev şimbä könne Arça Sabantuyına barğaç: “Sabantuy inde küptän milli bäyrämnän Tatarstan xalıqlarınıñ internatsional' bäyrämenä äwerelde”, dide.

Awıl Sabantuylarında “Bıyıl Qazan Sabantuyı qayçan bula?” digän soraw da bik qızıq soraw ide. Sabantuyğa qaytqan şähär qunaqları “İnde bezgä üzegez fälän könne Qazan Sabantuyına kilegez”, dip özep kenä çaqıra almadılar. Çönki Prezident ukazı belän Qazan Sabantuyı köne dip bilgelängän 21 yün, şimbä kön Rusiä xökümäte färmanı belän eş köne dip iğlan itelgän bulıp çıqtı. Tatarstan xökümäte bu mäs’älägä düşämbe könne açıqlıq kertte. Qazanda Sabantuy aldan bilgelängänçä, 21 yündä ütkärelä. Ä 21nçe yündäge eş köne Tatarstanda 28 yüngä küçerelä.

Düşämbe kiçendä Qazan şähäre administratsiäse başlığı Sabantuy programmasına bağışlanğan matbuğat oçraşuı ütkärde. Ğädättägeçä, Qazanda cide mäydanda Sabantuyı baraçaq. Qazan xakimiäte at çabışlarında ciñüçelärgä maxsus büläklär - ciñel avtomobillär äzerli.

Yunıs Ätnäle. Qazan.

XS
SM
MD
LG