Accessibility links

пәнҗешәмбе, 8 декабрь 2016, Казан вакыты 17:14

Abbas: "İsrael höcüme töbäktä tınıçlıq urnaştırunı kiçekterä"


İsrael boralağınnan fälestin suğışçılarınıñ Hämäs oyışması yulbaşçısı barğan maşinağa atılğan raketalardan Abdel Aziz Rantissi üze dä cärähätlär aldı. Ayağı häm kükräge yaralanğan Rantissi İsraelgä qarşı höcümnärne däwam itäçäklären belderde. Höcüm waqıtında tağın 1 keşe häläk bulğan häm 25e yaralanğan. İsraeldän räsmi añlatmalar bulmadı.

Fälestin ministrı Yasser Abed Rabbo, älege höcüm, fälestin citäkçeläreneñ suğışçan törkemnär belän köç qullanunı tuqtatu turında söyläşülär alıp barğan waqıtqa turı kilde, dip belderde. İsraelneñ xärbi köç qullanuı-"tınıçlıq yulı" planın ğamälgä aşırunı totqarlıy, dide Rabbo.

Fälestin premyer-ministrı Mähmüd Abbas ta, İsraelnıñ mondıy çaralarğa baruı-tınıçlıq urnaştıru eşenä qomaçawlıy, dip belderde: "Bu höcüm-bezneñ xökümät eşkä kereşkäç İsrael tarafınnan oyıştırılğan çaralarnıñ berse. Mondıy ğamällär tınıçlıq urnaştıru tırışlıqlarına kirtä sala häm "tınıçlıq yulı" planın ğamälgä aşırunı kiçekterä" dide Abbas.

Üz belderüendä Fälestin premyer-ministrı Amerika Quşma Ştatların kiçekmästän nindi dä bulsa çaralar kürergä çaqırdı. Amerikan prezidentı George Bush ta İsraelneñ höcümen kisken täñqitläp çıqtı.

Belgiä mäxkämäse, İsrael generalı Amos Yaronnı 1982nçe yılda qılğan cinäyättä ğayeplägän xökem eşe mäxkämägä tapşırıla ala digän qarar çığardı. Ul yılnı İsrael yaqlı qorallı köçlär Livannı yawlap alğanda Beirutta Sabra häm Şatila qaçaqlar lagerlarına bärep kerep andağı fälestinnärgä qarşı köç qullandı. İsrael generalı şul küpläp üterüne oyıştıruda ğayeplänä. Älege xökem eşen 2001nçe yılda isän qalğan 23 fälestinle Belgiädä başlatıp cibärde. Şulay itep, Belgiä mäxkämäse-İsrael generalına keşeçelekkä qarşı cinäyät qıluda ğayepläw belderergä mömkin, anıñ xökem iter öçen ber nindi dä kirtä yuq digän qararın çığardı.

XS
SM
MD
LG