Mäskäwneñ Basmannıy Mäxkämäse uzğan yılnıñ üktäber ayında Dubrokqadağı teatr üzägendä totıqlarnı azat itkän waqıtta yaqınnarı haläk bulğan çit il keşeläreneñ däğwälären qarawnı 9 yülgä bilgelägän. Däğwäçelär - AQŞ, Qazaxstan häm Ukraina watandaşları. Alar moral zıyan öçen Rusiä xökümätennän sigez million dollar taläp itä. Bügen mäxkämägä terakt näticäsendä xatını haläk bulğan Hollandiä watandaşı Oleg Jirnovtan da däğwä kilgän. Rusiä watandaşlarınıñ mäxkämägä qabul itelgän däğwäsen, Mäskäw xökümäte qänäğätländerergä tieş.
