Accessibility links

Кайнар хәбәр

Bäläbäy direktorı Qazanğa kilmi...


Comğa könne Qazanda tatar mäğärifenä bağışlanğan konferensiä bula. Anıñ programmasına Bäläbäy tatar gimnaziäse direktorı Nurmöxämmät Xösäyenow çığışı da kertelgän. Teması häm Nurmöxämmät äfändeneñ isem-familiäse taşqa bastırılğan häm çaqıru biletları belän bergä taratılğan. Ämma bıyıl Qayum Nasıyri isemendäge büläkkä layıq bulğan bu gimnaziä kollektivınıñ täcribäse turında çığış yañğıramayaçaq. Çönki Bäläbäy şähär mäğärif çinovnikları Nurmöxämmät Xösäyenownı Qazanğa cibärmäs öçen maxsus çaralar kürgännär. Säbäben añlıysızdır. Uzğan yılda Tatar kongressınnan soñ V.Putin belän oçraşqan çaqta Nurmöxämmät Xösäyenow Başqortostannıñ milli säyäsäten tänqıytläp, xalıq sanın alğanda, tatarlarnıñ milläten üzgärter öçen basım yasaluı xaqında häm respublikada tatar gimnaziäläreneñ az buluı turında çığış yasağan ide. Şul könnän birle Nurmöxämmät äfände elekkedän da nığraq nuja çigä. Pänceşämbe könne bez Bäläbäygä şaltıratıp, anıñ belän söyläştek. Qazanğa yulğa çıqmawınıñ säbäben ul bolay añlattı.

Çaqıru biletı kilde. 9 yün könne Şähär xakimiäte başlığı Rif Gazizov barırğa röxsät birde, ä 11 yün könne şähär mäğärif bülege mödire 13-14 yünne eş köne dip telefonogramma aşa xäbär itep, kisken räweştä, barırğa röxsät birmäde.

Mälikä Basıyr, Bäläbäy – Qazan.

XS
SM
MD
LG