Accessibility links

сишәмбе, 6 декабрь 2016, Казан вакыты 15:22

12 yün «Rusiä köne...»


Xörmätle tıñlawçılarıbız, alıp baruçı yalğıştı, bäyräm atamasın döres äytmäde dip uylamağız tağı. Bäyräm atamasın näq Tatarstan Däwlät Şurası mäğlümat üzäge citäkçese Lyubov' Ağeewanıñ mäğlümat çaralarına taratqan maxsus añlatmasındağıça äyttem. Anda: « Däwlät Şurası Räise Färit Möxämätşin qotlawı tekstına möhim tözätmä kertergä ütenäm: berençe abzatsta «Rusiä bäysezlege köne dip tügel, ä bäyrämneñ yaña atamasın «Rusiä Köne»-dip uqırğa dielgän.Xäyer bäyräm aldınnan Mäskäw mäğlümat çaraları: sotsial' tikşerenülär Rusiä xalqınıñ 6 protsentı ğına bu bäyrämneñ döres atamasın belä ikän digän xäbär birdelär. Tatarstanda mondıy tikşerenülär ütkärelgäne turında işetelmäde.

Şulay itep, iñ berençe bu däwlät bäyräme, bu ğadi xalıq öçen küñelle närsä. Bäyrämnärgä min bik ük yaxşı mönäsäbättä tügel. Minem biznesım bar häm bezneñ Rusiädäge xätle bäyräm könnäre aña zıyan kiterä. Bezgä yaxşıraq eşlärgä, azraq yal itärgä öyränergä kiräk. İkençedän, bäysezlek bik yaxşı äyber. Minem yäşäw räweşem şulay: kemnän dä bäysez bulu. Şuña kürä härber däwlätneñ bäysezlege bäyräm, bigräktä şundıy Rusiä kebek böyek däwlät öçen di xanım. Bäysezlek här däwlät öçen qäderle. Läkin xör mämläkät, xör däwlät buluğa ireşü yulları nigä qatlawlı da, yamansu da soñ? Bäyräm irtäsendä Qazannıñ xalıq gulyankaları öçen üzgärtep qorılğan Bauman uramı buş ide. Säğät unnar, bäyräm xörmätenä berär stakan sıra bulsa da kütärergä bik waqıt ta, läkin uramda qorılğan sıra çatırları da buş. Yarar xuş, Bauman uramınıñ türenä uzıp, qiğaçlatıp qına Qazan Kremle qarşına menep qarıyq äle. Monda da quyı tügel. Cır, muzıka işetelmi. Xäyer bu urınsız da bulır ide. Biredä, näq Kreml' qarşındağı ber ağaçlıq arasın inde dürt atna çaması ber palatka tora. Palatka tiräsendä iske-mosqığa törengän ike xatın- qız kürenä. Bezneñ äñgämä bolay başlandı: Xatın-qızlarnıñ berse- alar monnan ber yıl elek Yerşov uramında cimerelep töşkän yortta yäşäwçelär buluı turında söyli. Alar öçen xökümät birgän aqçağa tulay toraq tözelgän. Keşe başına altı kvadrat metr isäbennän jilploçad', yäğni yäşäw mäydanı birgännär. Riza bulğannarı küçkän, riza bulmağannarı xoquqların dawlap instansiälär buylap yörep arığaç, şähär xakimiäte işek aldında diärlek palatka qorıp, köne-töne çiratlap kizü toralar. İke-öç atna utırğannan soñ, alar yanına şähär başlığı kilep: «xälegezne añlıym, läkin başqa yärdäm itä almıym»-dip äytep kitkän.

Yunıs Ätnäle

XS
SM
MD
LG