Accessibility links

шимбә, 10 декабрь 2016, Казан вакыты 17:47

Milli mäğärif problemaları...


Şulay itep 13 iyün, comğa kön Qazan milli-mädäni üzäge millät, milli mäğärif dip görläde. Tatarstanda mäktäpkäçä yäştäge balalarnıñ 64 protsentı tatar tärbiäse ala. Ä mäktäplärdä uquçı tatar balalarınıñ barısı da diärlek tatarça belem ala, yä tatar telen fän bularaq öyränä. Monıñ xaqında Bötendönya tatar kongressı ütkärgän kiñäşmädä Mägärif ministrı Faris Xarisov äytte. Ä menä Rusiä töbäklärendä yäşäwçe tatar balalarınıñ barı tik unnan ber öleşe genä tatarça belem ala. Bu wazğiättä töp problema kadrlar äzerläw dide Faris Xarisov. Soñğı yıllarda Mäskäw dä bu problemanı çişüdä yärdäm qulı suza. Mäskäw Däwlät pedagogiä institutında tatar bülege inde ike yıl yäşi. Läkin 25 keşelek urınnar tulıp betmi ikän. Töbäklärdän möräcäğätlär kilmi. Monısı da üze ber problema: ixtiac şunıñ qädär genä digän süz. Läkin töp mäs'älä barıber kadrlarda. Mäskäw institutınıñ tatar bülegenä kergän tatar balaların uqıtırğa uqıtuçılar citmi. Şulay itep yuğarı belemle uqıtuçılar äzerläwdä töp ışanıç Tatarstanda. Tatarstanda Qazan pedagogiä universitetı kadrlar äzerläwdä töp tayanıç ide. Kiñäşmädä çığış yasağanda Qazan pedagogiä universitetı rektorı Cämil Nigmätov xäzerdä pozitsiälärennän çigenmäskä tırışuların äytte.Universiteta töbäklärdän kilgän 300 keşe uqıy. Kerü imtixannarı ike teldä dä alına. Yuğarı uqu yortlarına rusça belmägän balalar kerü mömkinlege ğäcäp närsä tügel. Ä menä ana telen belmägän tatar balalarınıñ tatar tele uqıtuçısı bula aluı ğäcäp yañğırıy. Läkin töbäklärdä yäşäwçe millättäşlärebez digändä Qazan moña da yul aça. Kiñäşmädä Qazan pedagogiä universitetında töbäklärdän kilgän ana telen belmägän tatar balaları öçen 30 keşegä isäplängän eksperimental' törkem buldırırğa täqdim yasaldı. Ä menä Tatar gumanitar institutında mondıy eksperiment ğädäti eşkä äylänep bara. Rektor Wasil Ğayfullin bolay dide.

Wasil Ğayfullin tatarça belmägän balalarnı yuğarı uqu yortına qabul itep bula, läkin uqıtqanda tatar telendä fännärne üzläşterü tağın da awırraq mäs'älä digän fiker äytä.

Tatar gumanitar institutınıñ milli kadrlar äzerläwdä inde un yıllıq täcribäse bar. Anda xäzerge waqıtta Başqortstannan, Mari Eldän, Üzbäkstannan, Kümertawdan- barlığı utızlap töbäktän kilep uqıylar. Tatarstan, mäğärif sisteması öçen kadrlar äzerläwdä, tağın da töbäklärgä yärdämen arttıra.Bıyıldan başlap töbäklärgä yuğarı uqu yortlarına kerü öçen kvotalar birelä başlıy.

Azatlıq radiosı öçen Qazannan Yunıs Ätnäle.

XS
SM
MD
LG