Pavlodar ölkäse gubernatorı Axmetovnıñ kandidaturasın parlament raslağannan soñ, ilneñ prezidentı Nursoltan Nazarbayev bilgelänü turındağı färmanğa qul quydı. Qazaxstannıñ elekke premyer ministrı İmanğäli Tasmağambetov üze teläp äşennän kitte. Qazaxstanda cirne xosusıy milek itep qabul itärgä xoquq birgän cir kodeksın qabul itü säbäple, xökümät belän parlament arasında säyäsi krizis kilep çıqqan ide. Küpçelek partiälär häm ictimağıy oyışmalar, kodeks qabul itelügä qaramastan, bu mäs'älägä qarata referendum ütkärergä kiräk digän fikerdä tora.
