Accessibility links

шимбә, 3 декабрь 2016, Казан вакыты 05:41

Ğiraqta Säddäm Hösäin rejimın yaqlawçılarğa qarşı çaralar başlandı


Ğiraqtağı amerikan ğaskärläre Säddäm Hösäin rejimı yaqlı köçlärne yuq itügä bağışlanğan çaralar başlap cibärde. Älege xärbi operatsiä Bağdad, şulay uq başqalanıñ tönyağı häm könbatışında baraçaq.

Başqala Bağdadtan könbatışqa taba urnaşqan Fallujah şähärendä bügen yözlägän amerikan ğaskärläre, tanklar häm boralaqlar yardämendä tikşerülär uzdırıp, qorallı ğısyançılar citäkçelären qulğa aldı häm qanunsız saqlanğan qorallarnı konfiskatsiäläde. Associated Press mäğlümat agentlığı "Köçlı Çayan" dip atalğan älege çarada qatnaşqan 3nçe cir öste ğaskärläre diviziäse 16 binanı tikşergän dip xäbär itte. Çara başlanğaç ta çıqqan bäreleşlär 3 säğat däwam itkän.

Amerikan ğaskärläreneñ matbuğat wäkile, Quşma Ştatlar citäkçelegendäge koalitsiä köçläreneñ Ğiraqqa kerüenä qarşı çıqqannarnıñ yulbağçıları dip şiklänelgän 7 keşe qulğa alındı, dip xäbär itte.

XS
SM
MD
LG