Accessibility links

якшәмбе, 11 декабрь 2016, Казан вакыты 09:03

Mäkkä şähärendä politsiä häm qorallanğan köçlär arasında bäreleşlär buldı


Mäkkä şähärendä uzğan töndä Söğüd Ğaräpstan iminlek köçläre häm qorallanğan terrorçılar buluda şiklänelgän keşelär arasında bäreleşlär bulıp aldı. 10 keşe häläk bulğan dip xäbär itelä. Okaz isemle yarım räsmi köndälek basma , häläk bulğannarnıñ bişese-iminlek köçläre ğaskärläre ide, dip yazdı. Maşindağı keşelärneñ politsiäneñ tuqtarğa digän işaräsenä iğtibar itmiçä yulı däwam itüdän soñ iminlek köçläre maşinağa ut açqan. Terrorçılar ber binağa kerep qaçqannar. Binanı alğaç politsiä anda zur külämdä qoral häm şartlatqıçlar tapqan. Köçäytelgän iminlek çaraları Söğüd Ğaräpstanda, May ayında Riyadh'ta bulğan şartlawlardan soñ bara. Ul çaqta 34 keşe häläk bulğan ide. Moña qadär Riyadh şartlawları belän bäyle 30 keşe qulğa alınğan. Bügen Riyadh häm Ciddä şähärlärendä östämä tikşerü noqtaları quıyldı.

XS
SM
MD
LG