Accessibility links

дүшәмбе, 5 декабрь 2016, Казан вакыты 05:25

İrandağı qarşılıq cıyınnarı ilneñ başqa şähärlärenä dä cäyelä


Bu atna azağında da İranda qadimi ruxanilär xakimiatenä qarşı uram cıyınnarı däwam itte, xörmätle tıñlawçılar. Başqala Tähranda başlanğan qarşılıq çaraları xäzer inde ilneñ qalğan öleşlärenä dä cäyelä digän xäbärlär kilä. Cıyınnar xakimiat ezärlekläwenä qaramastan bara, häm bu älege waqiğälärgä Könbatış iğtibarın torğan sayın nığraq cälep itä.

Başqala Tährandağı cıyınnarda xäzer elekke könnärgä qarağanda azraq keşe qatnaşsa da, yäkşämbedä inde şul qarşılıq çaraları İrannıñ başqa şähärlärenä dä cäyelä başladı - meñlägän student häm başqa ğadi keşelärneñ Tährandağı fikerdäşlären yaqlap İsfaxanda, Şirazda häm Ähwazda cıyıluwı xaqında xäbärlär kilde. İran belän idarä itüçe qadimi ruxanilär xakimiatenä qarşı mondıy zur cıyınnar ildä inde küptännän ükäne yuq ide. İğtibarnı, alarnıñ kinät kenä häm üzennän-üze başlanıp kitüwe, häm İrandağı xakimiatneñ anda qatnaşuçılarğa qarşı qırıs çaralar kürüwe cälep itä. Räsmi Tährannıñ xalıq arasındağı qänäğätsezlekne aldan uq bastırıp quyu teläge dä şunıñ belän añlatıla küräseñ, ul qarşılıqnıñ bar il buylap cäyelüwen telämi. Düşämbegä qarşı töndä başqala Tähranğa şundıy awazlar xas ide.

Audio

Radiobıznıñ İranğa tapşırular alıp barğan xezmäte xäbärçese, Tähranda qarşılıq cıyınnarı barğan cirdä yäşäwçe ber xanımnı söylätkän ide, ul İran başqalasındağı wäzğiatne bolay sürätläde.

Audio

"Uzğan töndä tawış bigräk tä köçle buldı, cıyınnar tön urtasına qädär, xätta tönge bergä qädär däwam itte kebek, anda tärtip saqlawçılar da bar ide, alar keşelärne, ütergänçe qıynaw maqsatı bulğan kebek qıynadılar, min xätta atu tawışları işettem" dip söyläde radiobızğa Tähranda yäşäwçelärneñ berse. İran başqalasında elek ütkän cıyınnardan ayırmalı bularaq, xäzer anda qatnaşuçılar, ilneñ qadimi citäkçelärenä dä, reformaçıl prezident Möxämmäd Xatamigä dä qarşı çığalar. Soñğı cıyında, misal öçen, Xatamineñ urınınnan kitüwen taläp itüçelär şaqtıy ide, moñardan tış anda, ildäge säyäsi totqınnarnı azat itü taläpläre dä yañğıradı. Älegä qädär İrandağı reformaçıl köçlärne citäkläwçe dip sanalğan Xatamigä qarşı çığular, ildäge yäşlärneñ xökümät alıp barğan üzgäreşlär tizlege belän kileşmäwen kürsätä. Qayberäwlär fikerençä, demokratik täräqqiat İranda xäzer tämam tuqtap qaldı. Cıyınnarda qatnaşuçılarnı Quşma Ştatlar da yaqlap çıqtı häm bu ilneñ Amerika belän bolay da şäptän bulmağan mönäsäbätlären tağın da salqınayttı. Yäkşämbe könne prezident Bush İranda barğan qarşılıq çaraların "uñay" bäyäläwen äytte.

Audio, George Bush

"Bu keşelärneñ irekle İrannı teläwen kürsätä başlawı, häm minemçä bu uñay närsä" di Quşma Ştatlar prezidentı George Bush. Elegräk Aq yort, İran xakimiateneñ cıyınnarda qatnaşuçılarğa qarşı qırıs çaralar kürüwenä borçıluwın beldergän ide. İldäge soñğı çuwalışlar Amerika qotırtuwı belän bara dip uylağan İran citäkçelege isä moña kisken qarşı çıqtı, häm Waşingtonnı ilneñ eçke eşlärenä tıqşınuda ğäyepläde.

Kärim Kamal, Praga.
XS
SM
MD
LG