Accessibility links

сишәмбе, 6 декабрь 2016, Казан вакыты 03:52

Tübän Qamada Saban tuyı...


Xäbär itkänebezçä uzğan atna azağında, Tübän Qamada "Kul''tura v efire",- yäğni "Efirda mädänilek",-digän Rusiäneñ regional'' telekompaniälärneñ ikençe açıq festivale uzdı. 15nce yün, festival''ne yomğaqlaw könendä, Tatarstan prezidentı Mintimer Şäymiev, anda qatnaşuçılar belän turıdan- turı video elemtägä çıqtı. "Bu festival''- efirda häm ğomumän cämğiättä mädänilek- digän aktual'' problemanı çişärgä yärdäm itärgä tieş", -dide Mintimer Şäymiev dip xäbär itä İntertat.ru. Festival''ne yaqtırtuçı mäğlümat çaraları festival''dä süz: efirda üz-üzeñne totu, söyläm häm ğomumän televizion tapşırular mädänilege turında bardı dip xäbär ittelär. Çınnan da festival''neñ eçtälege mädäniät belän suğarılğan ide. Läkin nigezdä rus mädäniäte turında. Döres, Rusiä Mädäniät ministrı Mixail Şvıydkoy şimbä könne Tübän Qama Sabantuyın qarağaç qına- "iqtisat, äytik ximiä milli bula almıy ul, ä menä mädäniät milli bula ala digän fiker äytte. Tağı şunısı ğibrätle- Mixail Şvıydkoy tatarlarnıñ milli bäyräme "Sabantuy" turında söylägändä, Tatarstandağı rus telle televizion kanallar kebi, Prazdnik pluga dip tärcemä itep ğazaplanmadı. Rusiä televideniese turında ğomumän häm töbäklär televideniese mädänilege däräcäse xaqında ğibrätle süzlärne Mäskäw Däwlät Universitetı jurnalistika fakul''tetı professorı Sergey Muratov äytte."Rusiä televidenieseneñ kommersiäläşüe, Amerika kebek aldınğı çit illär televidenieläre kommersiäläneşüe däräcäsen uzıp kitte" digän fiker äytte jürnalistika aqsaqalı. Şuña kürä anda mädäniätkä dä, mädänilekkä dä urın az qala. Kommersiäläşep kitkän keşegä tatar xalqında: "Ällä bayıp kitteñme bik masayasıñ?"- dilär. Şuşı bayu, masayu çire Tatarstannıñ Däwlät teleradiokompaniäsen dä çitlätep uzmağan. Şimbä könne, yäğni oşbu xäbärdä söylägän waqiğalar barğanda, Qazanda Rusiä televidenieseneñ Belorussiädäge wäkilen, işek saqlawçı militsiä xezmätkärläre, Televidenie işek aldına da kertmägännär. Gärçä wäkilneñ yanında tanıqlığı häm Tatatarstan televidenieseneñ ike xezmätkäre bulsa da.

Yunıs Ätnäle

XS
SM
MD
LG