Bügen bu xaqta İnterfax ağentlığına Çeçnyanıñ xärbi komendantı Yevgeniy Abraşin xäbär itte. Anıñ süzlärenä qarağanda saqlanu ministrılığı qaramağına kergän xärbi komendaturalar yuqqa çığarılaçaq. Alar urınına eçke eşlär ministrlığı qaramağında bulğan yaña strukturalar tözeläçäk. Abraşin şulay uq, Çeçnyada 42-nçe divizia häm eçke ğäskärlärneñ 46nçı brigadası qalaçaq, alar MVD bülekçälärenä yärdäm kürsätäçäklär dip belderde.
