Soñğı waqıtta Zahir Xakimov citäkçelegendä Ufada oyışqan Tatar Milli frontı oyışmasına qarşı Başqortstannıñ räsmi matbuğatında mäqälälär bastıruı turında Tatarstan cämäğätçelege belep tora. Tatar millätçeläreneñ tetmäsen tetkän, Başqortstan Xakimiäten genä yaqlawçı Mäcit Xucinnıñ Başinform aşa taratılğan fikerlären «Zvezda Povolj'ya» gazetası bernindi kommentariy birmiçä bastırıp çığardı. Ä inde 12 iyündä Rusiä köne dip atalğan bäyräm xörmätenä mikän , yäki başqa säbäptänme Zahir Xakimovnıñ ofisın militsiä tentegän häm yabıp quyğan digän xäbär bigräk tä borçuğa saldı. Çönki bolay da tatarnı yaqlawçılar qaydadır külägädä tawış tınsız toralar. 1yunde Ufada ütkän cıyılışta tarix fännäre doktorı Tatar kongressı räise urınbasarı Damir İsxakov ta qatnaşqan ide. Bez anıñ bu turıda fikerläre belän urtaqlaşuı belän ütendek. Menä anıñ cawabı.
(Audio)
Başqortstanda 1июньдә uzğan aksiä milli front tözü turında qarar qabul itkän ikän, ul tatarlarnıñ mänfäğätlären qayğırtıp eşlängän närsä, tatar telen yaqlaw häm anıñ statusın kütärü. Anda Başqortstannıñ küpçelek rayonnarınnan 150ләп delegat qatnaştı. Alar barda ictimaği oyışmalar saylap cibärgän keşelär.Bez kürep torabız, Başqortstanda tatarlarnı qısu däwam itä.Ä milli front ul qoral kütärep çığu tügel, bu milli köräşneñ ber ısulı ğına.Çınlap ta alar berençe tapqır bik nıq oyışıp çıqtılar,berdäm front belän şuşı alıp barılğan säyäsätkä qarşı. Ägär dä grajdanlıq xoquqların faydalanıp eşli torğan legal' oyışmalarnı törle-törle yaqlap qısalar ikän, tatar milli xäräkäte podpol'yeğa kitäçäk . Ä podpol'yeğa kitkän oyışmalarnı qarap toru bik qıyın bulaçaq.
5 yüldä Başqortstanda ütäçäk tatarlarnıñ cıyılışına cirle xakimiätlärdän täğäyenläp cibärelgän delegatlardan torğan cıyılış legitim bulmayaçaq. Häm anı Qazanda urnaşqan BTK da tanımayaçaq.Tarix fännäre doktorı Damir İsxakov belän Mälikä Basıyr söyläşte.
