Accessibility links

якшәмбе, 4 декабрь 2016, Казан вакыты 19:25

Tatarstanda çığarılış kiçäläre başlandı...


Bügen Tatarstanda XI sıynıfnı tämamlawçılarnıñ çığarılış kiçäläre başlandı. Tantanalar 25nçe yüngä qädär däwam itäçäk. Barı tik 22nçe yündä yäğni İkençe böyek Watan suğışı başlanğan könne genä çığarılış kiçäläre bulmayaçaq. Berençe bularaq bäyräm Vaxitov rayonı mäktäplärendä başlanıp kitä. Älege rayonda barlığı 24 mäktäp eşli. Ämma şunıñ nibarı bişese genä tatar uqu yortı. Şular arasında Tatar bistäsendä urnaşqan iñ bay tarixlı, 70nçe yıllarda barlıq tatar mäktäpläre yabılıp betkändä dä saqlanıp qalğan berdänber milli mäktäp, xäzerge 1nçe tatar gimnaziäsen ayırıp äytergä bula. Älege gimnaziädä 350гә yaqın bala uqıy. Häm başqalardan ayırmalı bularaq anda barlıq fännär dä tatar telendä uqıtıla. Gimnaziädäge uqu barışı turında älege mäktäptä 70nçe yıllardan uq tuğan telebezne uqıtqan Dilärä Sibgatullina menä närsälär söyläde:

35nçe mäktäp 70nçe yıllarda milli tikşerenü institutı bazası bulıp tordı. 90nçı yıllardan anıñ maqsatı kiñäyde, alarğa milli kadrlar äzerläw kilep quşıldı.

Milli yuğarı uqu yortı buldıru bügenge zamannıñ töp eşe. Kadrlar äzerläw iñ möhim burıç bulıp tora. Alarğa eşlär öçen şartlar tudırırğa kiräk. Telne öyränüdä ällä nindi problemalar yuq. Bezdä ezlänüçän uqıtuçılar ğına eşli ala. Ä qalğannarı kitep bara.

Sez 1nçe tatar gimnaziäsendä tatar telen uqıtqan Dilärä Sibgatullinanı işettegez.

Tağın şunısın äytep ütärgä kiräk, 1nçe tatar gimnaziäsendä kiläse uqu yılınnan teatr sıynıfı da açılaçaq ikän. Älege sıynıfqa Qazannıñ törle mäktäplärennän säxnädä uynaw sälätenä iä bulğan uquçılarnı cıyarğa uylıylar.

Çığarılış sıynıflarına kilgändä, bıyıl Tatarstanda 11 sıynıfnı 47 meñnän artıq uquçı tämamlıy. Tatarstan Respublikası Mäğärif ministrlığı xäbär itkänçä 1 meñ 200 uquçığa uquda ayıruça zur uñışlarğa ireşkännäre öçen altın medal' tapşırılaçaq. Ä medal'lärneñ ğomumi sanı 4 meñläp isäplänä.

Landış Xarrasova, Qazan.

XS
SM
MD
LG