Accessibility links

Кайнар хәбәр

Aq Bars xokkey komandasın Vladimir Vuytek citäkliäçäk...


Cäy buluğa da qaramastan, Tatarstannıñ Aq Bars xokkey komandası yal itmi. Şuşı könnärdä xokkeyçılarnıñ cıyılışı uzdı. Anda komandanıñ cäyge aylarğa plannarı turında süz bardı. Älegä sportçılar äzerlek eşläre belän mäşğül. Çärşämbe könne klub citäkçese Färit Mäxämmätşin Aq barsnıñ uyınçıları häm komandanıñ yaña trenerı belän tanıştırdı. Klub citäkçelegeneñ ömetlären aqlamağan Plusçev urınına Qazan xokkeyçıların xäzer yaña ostaz Vladimir Vuytek citäkliäçäk. Äytergä kiräk, Çexiädän kilgän sportçılar Tatarstanda küp häm alar şaqtıy uñışlı ğına çığış yasıylar. Bigräk tä, xokkey häm futbolda. Şulay itep, Çexiä belän Tatarstan arasındağı xezmättäşlek iqtisadi ölkädä genä tügel, sportta da kiñäyä häm nığıy bara. Aq barsqa qağılışlı tağın ber xäbär. Qazanlılarnıñ Amerikanıñ Detroyt xokkey komandasında uynawçı Dmitriy Bıkov belän alıp barğan söyläşüläre uñış belän tämamlanğan. Dimäk, bu sezonda Bıkov Aq bars komandasında uynayaçaq. Sport belgeçläre fikerençä, bu Qazannıñ bik zur ciñuwe. NXLnıñ iñ bay klublarınıñ berse bulıp sanalğan Detroyttan Qazanğa kilgän öçen Bıkovqa küpme aqça tülänäçäge turında mäğlümätlär yuq.

Azatlıq radiosı, Gölnaz İlgizär, Qazan
XS
SM
MD
LG